من بغى يلعب يميل يمي !!

[راع العلطا]

السلام عليكم ورحمة الله وبركاته
صبحكم الله بلخير
صاروق خفافي بعد غيبه

يا سلام الله على الأجوادي=ردتن منها يفور الدمي
راعي العلطا حضر فـ النادي= من بغى يلعب يميل يمي

[مرجح الميزان]

وعليكم السلام ياراع العلطا

واستلم مايلي..

[مرجح الميزان]

مرحبا باللي لهاه تنادي=والجواب اللي نقوله.. سمي
منتدانا مثل نجم بادي=والنوادي مجلس أهل الذمي

[راع العلطا]

ياعميل الخير وينك غادي=جيت راسك ضايعً في كمي
منتدايه و الشداد شدادي=وانت لاخالي ولانتب عمي

[مرجح الميزان]

عالجبل ماننحدر للوادي=وعارف(ن) في كيفها والكمي
منتدانا والبلاد بلادي=مار لا تزعل ولا تهتمي

[راع العلطا]

انت في وادي وانا في وادي=لا تخلينا نخمك خمّي
انت لابس لك ثياب جدادي=ولا انا فـ الملعبه لي كمّي

[مرجح الميزان]

راعي العلطا سواة الرادي=في علومه ماتعدى الفمي
ثوبي اللي لابسه مابادي=وكان صابتك الفجيعه سمي

[راع العلطا]

صح لسانك وتصبح على خير تشرفت بلعب معك

[مرجح الميزان]

هههههههها


صح بدنك ياولد عاصم.. والوكاد ان الشرف لي

[راع العلطا]

ونعم بقطمان المحازم ولاكن مانيب عصيمي