أسهر ومسهرني هوى ليّن العود

[ناصر بن عبيد بن خيشوم]

هذه من روائع شاعر هوازن عبدالرحمن العطاوي

اسهر ومسهرني هـوى ليـن العـود=طفـلٍ حـرم عينـي لذيـذ المنامـا
شكيت منه الحمر والبيـض والسـود=وشقرٍ على الخصر المعـزل توامـا
وعكشٍ تشـرع بالحجاجيـن وورود=محاجـرا تفضـح رهيـف اللثـامـا
وعنقٍ مرق عن لبة التـرف ونهـود=وخصـرٍ هضيـمٍ كـن فيـه الهيامـا
وردايفٍ منها فضـا الثـوب مشـدود=ليا مشـى تطـوي السلـب للحزامـا
لا واه أنـا مذبـوح عمـدٍ وجحـود=يـذاه مـا بينـي وبيـنـك مـدامـا
وحياة من فـي رادتـه هبـت النـود=انك جرحـت اللـي حنينـه اريامـا
ما حق يالطف الحشا حـب وصـدود=وعـلام تسكـت مـا تـرد السلامـا
كانك تبـي تبريـر للحـب وشهـود=انظـر بعينـك فـي دمـوع تهـامـا
وحالٍ نحل من حبكـم كنـه ، العـود=ونفسٍ تصـوم بغيـر نيـة اصيامـا
لا يا حبيبي ويش حدك علـى الكـود=ماانت بعمـى وشلـون عنـى تعامـا
ان كان منك العطف واللطف مفقـود=ذبـح المحـب بغيـر ذنـبٍ حرامـا
يا هاجري ما في اشرف الوصل منقود=عدنـي كمـا عـود الولـي لليتامـا
بزيارة تطلـق مـن الحـزن ممهـود=في قلبي اللـي لـك بوسطـه مقامـا
عليه تشهر سيف الألحـاظ مجـرود=وإليـا تعطـف لـك علامـك تسامـا
وش ذنبه إلا انه بالأتعـاس موعـود=في حبك اللـي مـا قضالـه مرامـه
وبيت القصيد اللي من القلب مشيـود=حـرام مـا يزهـاه غيـرك وسامـا
وشعر الغزل تزهاه يا باشـة الخـود=يـا فاضـحٍ بالنـور بـدر التمـامـا
لك الغلا يا جوهرة نجـد يـا نجـود=حوريـةٍ مـن حبهـا مــا يـلامـا

[كلاشينكوف]

فعلا من الروائع ، اختيار موفق يبن خيشوم
صح لسان العطاوي ولا هنت

تسجيل مرور من خويك ابن غيث

[ناصر بن عبيد بن خيشوم]

نورت الصفحة يابو عبد الرحمن
وأشكرك بعنف على المرور