محاوره بين قبيلة حرب و الملك عبدالله

[مشتآق !]

اخواني في منتدى قبيله عتيبه
السلام عليكم


استقبل الملك عبدالله خادم الحرمين الشريفين حينما كان ولي للعهد قد استقبل وفد قبيله حرب وتناقشى بعض من امور القبيله

وقد جسد احد شعراء القبيله المحادثه التي حدثة مع الملك عبدالله وقبيله حرب في محاوره شعريه بين الملك عبدالله وقبيله حرب

اليكم المحاوره







حرب:

سلام ياسيدي حنا الحروب العظام *** جينا نمد الوفا جعل الوطن مايهان

الدين والطيب صار مع القبيله وئام *** من كم قرن مضا جعل الوطن مايهان

سموه:

يامرحبا يالحروب انتم رجال كرام *** وانتم رجال الوفا جعل الوطن مايهان

ولكل واحد من افراد القبيلة سلام *** ياعلكم للبقا جعل الوطن مايهان

حرب:

اليا نخانا الوطن ياسيدي مايضام *** اروحنا له فدا جعل الوطن مايهان

لنضاق وقت الرخاء حنا بوسطك حزام *** مانصد وقت اللقا جعل الوطن مايهان

سموه:

الدارمنكم وفيكم لابس له وسام *** قدام مانتم ورا جعل الوطن مايهان

انتم تقولون وطولون كل المرام *** ماتنزلون الوطا جعل والوطن مايهان

حرب:

حنا ذخيرة وطن بندق ورمح وحسام *** ان كان طاغي طغا جعل الوطن مايهان

وحنا حماة الوطن والمسجدين الحرام *** بالمال والا الدما جعل الوطن مايهان

سموه:

افعالكم من قديم بحرب ولا سلام *** ياما بذلتم عطا جعل الوطن مايهان

اجدادكم بالمواقف فعل ماهو كلام *** وصيتهم له صدا جعل الوطن مايهان

حرب:

حنا على الشر بتار يقص العظام *** نعمي عيون العدا جعل الوطن مايهان

والفكر كانه تسربل في طريق الظلام *** مايجني الا الردا جعل الوطن مايهان

سموه:

فالتضحية يالحروب نكن لكم احترام *** وانتم اسود الوغا جعل الوطن مايهان

اهل العقول الخبيثه عينها ماتنام *** اعدام والا هدا جعل الوطن مايهان

حرب:

ويش يجني الفكر من ذبحة عجوز وغلام *** اعقول تنقل وبا جعل الوطن مايهان

ومن القبيلة ولاء ياسيدي بالختام *** لك ولملكنا ولاء جعل الوطن مايهان








أتمنى انه تنال اعجابكم .....(الفيصل المخلفي)

[مشاري الحبردي]

فالتضحية يالحروب نكن لكم احترام *** وانتم اسود الوغا جعل الوطن مايهان
والله ونعم بالحروب
ولاهنت يا المخلفي

[قادح شرار]

والله ونعم بقبيلة حـــــــــــــــــرب , رجال ونعم الرجال .



مشكوووور يا الفيصل المخلفي على الموضوع الجميل .


تقبل مروري .



أخوكم/ قادح شرار.

[راعي البلهـا]

صح السانك يعطيك العافيه ماقصرت
مشكووور

[دوسي زهراني]

الله عليك يالمخلفي محاورة رائعه وجميله وونعم في قبيلة حرب اهل الكرم في كل درب ربعنا شبابه ..




































تحيـــات عـــاشــق الاهلــي وجمهـــوره

نـــايــف الدوســي الزهــــراني

[مشتآق !]

ماعليكم زود جميعا

مشاري الحبردي ...... اشكرك يااخي العزيز والله لايهينك
قادح شرار ....الله يسلمك والاجمل مرورك
راعي البلها .....واشكرك على مشاركتك بالموضوع و صح بدنك
نايف الزهراني.....الله يعطيك العافيه بالمشاركه وسبعة انعام بربعك

......... جميعكم شاكراً لكم مشاركتكم بهالموضوع

[دوسي زهراني]

ماعليك زووووود يالمخلفي وشاكر لك التواصل مع كل الاعضاء ..



























تحيـــات عـــاشــق الاهلــي وجمهـــوره

نـــايــف الدوســي الزهــــراني

[القادم بقوة]

والله والنعم بالحروب

[مشتآق !]

ماعليك زوود يامقرن شاكرا لك مرورك