قصيدة ترحيبية بالشيخ فيحان بن هذال العتيبي وابنه طلال

[فـــهـــد العضياني]

هذه قصيدة للشاعر محماس بن غزاي بن وسيود العضياني العتيبي
يمدح ويرحب فيها بالشيخ فيحان بن هذال بن هذال بن فهيد وابنه طلال ويقول فيها /

يامرحـبا تـرحـيبة تشرح البال بالشيخ وابن الشيخ روس القبيلة

اهلا هلا باهل الوفا نسل هذال ابن فهيد اللي شبوره طويلة

ياما رعت في ضفته كل مشوال وياما حماها بالسيوف الصقيلة

وياما انقطع مع ساقته كل مرمال من عقب سج البيد صارت هزيلة

وياما ذبح من فاطر نيها مال يوم المجاعة والسنين المحيلة

ورحل وعقب له مشاكيل وابطال الله يسلم كاسبين الجميلة

اهل الوفا والطيب ماضين الافعال واهل المروة والعطايا الجزيلة

وانا ليا جاء اللازمة ستر وظلال وفزعاتهم تشفي الكبود العليلة

من ماضي الدنيا ومن وفتنا الحال الحمل يلقى له جال تشيله

رجالهم في نجد له قدر وجلال ويشهد لهم تاريخهم بالفضيلة

المدح في مثل الفهيدات ينقال ولا يلحق الرجال منه الفشيلة

الصدق تبدي به طويلات الاقذال والكذب من قاله يضيع دليله

افعل وتكفيك الرياجيل الامثال وفي الاخرة كل يحصل حصيله

والطيب لو هو سهل في كل الاحوال كلن من الطالة كسب له نفيلة

لكن عسر ولاتهــيـــأ بالاموال ولاحاشه القراش مومي شليله

يحوشه اللي للمهمات حمال يوم الملاقى فوق صفراء جليلة

والدم من مضراب شلفاه وش شال وجهه يذري له وجيه بخيلة

وصلاة ربي عد ماهل همال على نبي كلنا ننتمي له



مع تحيات / فهد العضياني العتيبي