البارحه جالي مع الشعر جولات..=..سريت انا والشعر والنار حيه
جتني بيوت الشعر ياسيف زافات.=..ليا كتبت البيت جاني خويه
قالن نبي معنى وقلت ايه لحظات..=.بجهز البراد والشاذليه
وفي مدح ربعي لو مليت الملفات..=.ماضني اوفي حق ربعي عليه
هذا هوالمعنى وعنوان الأبيات..=.عتيبه الهيلا رجال الحميه
برقا وروق اهل الكرم والبطولات .=..اهل القلوب الساطيات الجريه
من فعلهم تهتز حتى السراوات.=..ولآ فوقهم ياكود رب البريه
تاريخهم في نجد لو فات مامات.=..تشهد على ماقول نجد العذيه
اخذو سنام المجد في نجد بذات ..=.بالغصب ماجتهم بطيب وهديه
جتهم بضرب سيوف ورماح عجلات..=.وبندق وشلفا صنعها حضرميه
وراحو قبايل نجد قطعان واشتات..=..مقلاعهم من نجد مقلع طميه
وصرنا بقمة نجد والخصم مابات .=...من حر مايونس حياته شقيه
نامر وننهى ونتحدا حكومات ..=..من قونا كلن عطانا تحيه
واليوم ننعم بامن راهي وخيرات .=..في ضل ابومتعب حياتن هنيه
فالمملكه مافيه حرب وعصابات..=.الشعب واحد راحت العنصريه
اخوكم/ حــــــــمــود عتــــــــيـــق العـــــــــصيمــــــــــــي
12-Feb-2009, 09:10 PM
عتيبه الهيلآ
العرض الشجري