اضـــلـــع بـــســـاق !!!

[أبو فيصل الدلبحي]

السلام عليكم ورحمة الله وبركاتة

اطرح بين نواظركم هذي الابيات البسيطه واتمنى انكم تعذروني على الاخطاء الاملايه ولكم حريت التعليق الهادف

يابوي انا من صكت الوقت محشور=والنفس صارت من حشررها حشيره
شيلت حملي لين قبلت مكسـور=اضلع بساق وساق تلعب كسيره
تسمع شخيري كني اضحيت منحور=من لاهدن يلهد كبود النحيره
لاناس نخبرها على طيب منظور=تاقف معي ضد الصدوف المغيره
في حزتن فيها سنا العمر منثور=اذكر بهم ذخري وعز الذخيره
مار البلا ناسي تسابق على البور=تلقالهم في صفحته طول سيره
يمشون بالدرب الردي سر وجهور=هذي من المكنون وحده دميره
والثانيه قلبي من الحب مشطور=في ثومته يسمع زفير السعيره
يغلي وكنه مرتكي فوق دافور=من غروتن في مربعينه تديره
تلت معاليقه وقفت مع النور=وامساء ظلام الليل واعتم مصيره
قبل المراح اوكت به الفين ساطور=لين امتلى بين الحنايا شطيره
ثم شاولت للاش والاش مسرور=وانا رمتني في مغب الخطيره
باعت عزيزن ينصي ساعة الشور=فايض على الوافين صافي غديره
وختارت الي في مساويه مغمور=لاثار عج القوم ولى دبيره
والثالثه والي بعد شي مستور= بعض العلوم افضل تبقى ستيره

تقبلو تحياتي / ابو فيصل

[صالح الدعجاني]

صح لسانك ياذياب

[مرزوق حمدان العتيبي]

..
.

قصيده جميله ومعبره يابو فيصل
الف صح لسانك ...
....

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[أبو فيصل الدلبحي]

صالح الدعجاني ,,,

صح بدنك ومرورك تاج على الراس

[أبو فيصل الدلبحي]

مرزوق ابن حمدان ,,,
مشرفنا العام ,,,
مرجع الحق لصحابه ,,,

الجميل مرورك على القصيده وصح بدنك مليار

[عبدالله الجـــذع]

ابو فيصــل

غنائم بعد غيــبه يالذيــب
قصيــده تبين للقارئ مدى التجارب الحياتيه
التي خاضها الشاعر والتي صيغت بماء من ذهب
اعجز عن وصف اعجابي بهذه الشارده النادره

لي اكثر من عوده للاستمتااااع بالشعر الحقيقي

الف شكر لك
ننتظر جديدك

محبك

,

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[/عبد العزيز الجذع/]

الله عليكـ .

رائعة يابو فيصل.

صح لسانك ملايين

ونترقب جديدكـ

[أبو فيصل الدلبحي]

عبدالله الجذع ,,,

مشكور على كلامك الي يثلج الصدر واكبر غنيمه لي مروركم على القصيده وتعليقكم الي زادها جمال
وانت الي زدت الهيلا جمال وحيويه ,,,

دمت كماء انت ,,,

[أبو فيصل الدلبحي]

عبدالعزيز الجذع ,,,

صح بدنك اكثر ,,,

مشكور على مرورك العطر ,,,

[أبو نجر النفيعي]

..

الله الله يابو فيصل ..

صح لسانك يالغالي على هالقصيده المعبره والرائعه ..



أخوك

التوقيع

.....