اليكم هذه المحاورة التي نطمع ان تحوز على رضاكم
صقر سليم
سلام في حفل الحفاه اللي لهم قدر ومقام=تاريخهم كل(ن)شهدله من قضاة المحكمة
عندي كلاشنكوف روسي والذخيرة فالحزام=والشاعر اللي يعترض قدامي الله يرحمه
ملفي المورقي
يامرحبا ياشاعر(ن)فالحفل رديت السلام=عن عزوة تاريخهم ماهو بخط المرسمة
ابشر بشرف(ن) يالبقيلي ضربها يشضا العظام=تذبحك يالرماي والرشاش تدخل مع فمه
صقر سليم
حنا سليم العزوة اللي لاتذل ولاتضام=اللي تعلم ماجهلنا والغشيم نعلمه
ياراعي الشرف انتبه والغيظ شر الانتقام=اللي سلاحه شرف نقدر نلزمه بالزردمة
ملفي المورقي
نعم بكم ياسليم مافيكم عيوب ولاكلام=لكن حنا يالبقيلي دولة(ن)متقدمة
خابرك ذيب مايحب النور تعدي فالظلام=لكن ترا الراعي لو انه نام قلبه لغنمه
صقر سليم
حنا نحدث من حديث المصطفى ماهو حرام=وانت الحديث اللي تحدثبه حديث مسيلمة
تبغا الحقيقة مايقدم للمهمات الجسام=الا صميدع راس لاخاله ولاابوه رخمة
ملفي المورقي
ياصقر لاتضلم ترا ظلم العرب شر وحرام=ايطيح بكره في لهيب النار من زل اقدمه
الارض مخلوقه ذلول ولاركب فوق السنام=الاعتيبه هم سراج الدار هذا وعلمه
صقر سليم
ياللي توصي بالنظام اعمل بما نص النظام=لاتحرم الخنزير وتعود تدهن بشحمه
ماجا سنام الارض غير الوايلي ذاك الإمام=انتم ثنين اخوان واصغركم يدير منظمه
ملفي المورقي
انا على منهاج ابويه جعل ابويه للرحام=نفسي عزيزه واكره الخنزير دمه ولحمه
لو عودت ذيك السنين اللي قبل تسعين عام=تمسي وتصبح يالبقيلي ماتمص الك اعجمه
صقر سليم
خلك على نهج الرسول المصطفى خير الأنام=اللي حلال تحلله واللي حرام تحرمه
لوانها ترجع على وقت التحدي والزحام=اطيبكم اللي من جنان الجوع يرضع برطمه
ملفي المورقي
انا تعلمت الكتاب وغير وبلوغ المرام=شاعر وعندي علم واعرف كل شئ وافهمه
انته زمان فات عينك ماتهنا بالمنام=اليا بغيت تنام رحت وطحت في جوف سلمه
صقر سليم
والله ونعم المورقي مافيه عيب ولا ملام=الشعر غاطي هامته والعلم يجري مع دمه
حنا زمان(ن)فات حققنا مع المجد الوسام=يومن بعض الناس دمه فاللقا دم حلمه
« آخـــر الـــمـــشـــاركــــات »
17-Sep-2007, 12:49 AM
محاوره مثيره بين ملفي المورقي وصقر سليم
العرض العادي
