قصيده في عتيبه من ابداع ابو شرف..

[ابو شرف]

بسم الله الرحمن ابدي كلامي*.*واثني تراحيبي وترحيبه وترحيبه
والصلاه والسلام على خير الانامي*.*محمد رسول الله شفيع لصحيبه
وف البدايه ابغا ابدي سلامي*.*على الجميع واخص السلام لعتيبه
عتيبه هل الوقفات في كل عامي*.*واللي بغانا بعلم نكرهه يلقى نصيبه
فعولنا معروفه نور ماهي ظلامي*.*هل الطيب والله يجيب اللي يجيبه
لانقول انها حلال ولانقول انها حرامي*.*دايم نمشي بدرب الرجال تمشيبه
رجال شعر ووفاء وعلم وكر امي*.*وليا رمينا رمي نصيب الضريبه
عتيبي ونعم حجازي ولا تهامي*.*والوقفات النا رضى ولا غصيبه
شليويح العطاوي رجل صلى وصامي*.*معروف طيبه وكل ينعرف طيبه
وابن عون شعره يروي كل ظامي*.*والشعر عتيبي ترى ماهي غريبه
وفالمحاوره شعار يمشون بنظامي*.*واللي ماهو معروف احنا وش نبيبه
مطلق وبن تويم وهلال والزلامي*.*في فوز دايم ما يحبون الغليبه
ومستور وحبيب وملفي ليامي*.*نلقى علم غانم نبيع ونشتريبه
وباقي وباقي مكسرة العظامي*.*صبيان وشباب وان كان شيبه
السيف البندق الذخيره والحزامي*.*السيف فالميدان نلعبه ونواميبه
ونرمي بالبندق ليا جاء الوقت حامي*.*ونضرب بالشباري فالعظام الصليبه
والعدو فالحرب نقوده بالخطامي*.*وفالميدان نجره و نلعبه ونعديبه
وان مات رجل قلنا لعله للرحامي*.*نترحمله والله سبحان نلتجيبه
نذكر الله وفالحرم نلبس حرامي*.*لنا مخالب طوال وكفوف عطيبه
ومن كلامي لحد يلحقني ملامي*.*هذه الحقيقه وهذا شي نماريبه
حنا والقبايل اخوان امن وسلامي*.*ولايلحق كلامي لا شك ولا وريبه
حنا عتيبه زعامة زعامة الزعامي*.*هذا كلام الحقيقه وشئ نجاريبه
وختامها صلو على خير الانامي*.*محمد رسول الله شفيع لصحيبه(اللهم صلي وسلم عليه)
وسلامتكم اي ملاحظه يالربع فالقصيده علموني عليها وانا في انتظار الردود..
تــــــــــحــــــــــيــــــــــاتــــــــــي...

[الأديب]

اخوي ابو شرف الله يعطيك العافيه . واحييك على انتمائك وحميتك اللي مهيب غريبه على اي اعتيبي .

وبما انك طلبت الرائي في القصيده .

تحتاج شوي تركيز في الوزن حسب خبرتي البسيطه

وشكرا لك .

[ابو شرف]

الاديب اشكرك على المرور.
والوزن والله العظيم اني اعاني منه لكن انا في بدايتي والله يوفقنا لما يحب ويرضى.
تحياتي الحاره..

[ابو شرف]

انا في انتظار الردود.
تحياتي الحاره..

[عبدالرحمن الهيلوم]

بالتوفيق ابوووووووووووووووووووووووووووووووووووووو شرف (( الكصيده شزله القافيه هلاليه تحتاج الي تناسق مجازي . بس الي بعرفوو عتيبه في حجاز وفي ونجد شو شو الحكي شوجابهم تهامه !!!!!!!!!!!.. ومافيك حيله )) قولوا امين . نشوفك قريب في شاطي الراحه .. بالتوفيق ابو عتب (( هيلوم مفرج النفيعي)) ابن عتيبه البار

[معلا إبراهيم الأسعدي]

صح السانك

بارك الله فيك

التوقيع

[ابو شرف]

الهيلوم اشكرك على المرور وانا قصدي حجازي ولا تهامي يعني اللي ساكن في الحجاز وفي تهامه ونعم فيهم ما اقصد انه ديرته في تهامه لكن اللي موجود في تهامه..واشكرك مره اخرى ويعطيك الف عافيه.
تحياتي يالغالي...

[ابو شرف]

شامان اشكرك على المرور ياطويل العمر وصح الله بدنك.
تحياتي يالغالي..