الغرب ترقى للعرب مع عربسات =وحنا على ماقيل شيلن وحطه

[عبدالمجيدالشمري]

الغرب ترقى للقمر مع عربسات = وحنا على ماقيل شيلن وحطه
عشنا كذا فوق البسيطه معانات = وصرنا بلا حيله مع العلم ورطه
نحلم ونتكبر وبالراس غطات = الروس هي الروس والفرق غطه
الغرب فوق الارض ترسم مدارات = وحنا بليا روس برج ومحطه

عبدالمجيد الشمري

[حمـد المقاطي]

يعطيك العافيه يا ولد شمر

عز الله انك صدقت بكل حرف قلته

تحياتي لك

التوقيع

بكل مكان لنا أحباب .. ويصعب علي الفراق .. لربما في يوم نلتقي ونعاود ذكرى الأحباب . !! سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ . !!

[طـــــــــلمس]

بيض الله وجهك يابن شمر

[عبدالمجيدالشمري]

المشاركة الأصلية كتبت بواسطة المقااطي

يعطيك العافيه يا ولد شمر

عز الله انك صدقت بكل حرف قلته

تحياتي لك

ماعليك زود يابن الهيلا وشكرا على مرورك يابعدحيي

[عبدالمجيدالشمري]

المشاركة الأصلية كتبت بواسطة طـــــــــلمس

بيض الله وجهك يابن شمر

هلا وغلا فيك يابعدحيي اشكر لك المرور واثمن لك الشعور

[لورانس روق]

صح لسانك يابن شمر

تحية لك ولشمر
اللي حبها ومعزتها بقلوب عتيبة

[رمح الفارس]

عزالله انك جبت زبد القصيد



صح لسانك وبيض الله وجهك يالشمري

الغرب في مزاين طيارات وصواريخ وأقمار صناعيه

وحنا في مزاين اباعر

ولله في خلقه شؤون


وش السوات وانا خوك ماعندنا غيرها نوسع خطرنا

[عبدالمجيدالشمري]

المشاركة الأصلية كتبت بواسطة لورانس روق

صح لسانك يابن شمر

تحية لك ولشمر
اللي حبها ومعزتها بقلوب عتيبة

بيض الله وجهك ياوجه السعد واحبك الله بما احببتنا فيه وماعليكم زود يابن الهيلا وعتيبة طول الله عمرك سنام الجود وهامة الرجولة والشرف

[عبدالمجيدالشمري]

المشاركة الأصلية كتبت بواسطة رمح الفارس

عزالله انك جبت زبد القصيد



صح لسانك وبيض الله وجهك يالشمري

الغرب في مزاين طيارات وصواريخ وأقمار صناعيه

وحنا في مزاين اباعر

ولله في خلقه شؤون


وش السوات وانا خوك ماعندنا غيرها نوسع خطرنا

صح بدنك طول الله عمرك وبالنسبة للمزاين ماهي آخر تطورتنا فنحن سعوديين نصل هامات السحب بقدرة الله وبعزم وهمة الشباب وبالمناسبة ياطويل العمر المزاين ماهو الا محك للتلاحم وازدياد الالفة والمحبة واذا مازاد من الرجولة لاينقصها ابدا وعن الابيات ماهي الا تعبير مني فقط للشباب المنحط ( المنثبر ) أي المتقوقع على نفسه والذي ينتظر السماء تمطر ذهبا وفضة وسلامتك يالغالي .

[رمح الفارس]

المشاركة الأصلية كتبت بواسطة عبدالمجيدالشمري

صح بدنك طول الله عمرك وبالنسبة للمزاين ماهي آخر تطورتنا فنحن سعوديين نصل هامات السحب بقدرة الله وبعزم وهمة الشباب .

متى ؟؟؟

المشاركة الأصلية كتبت بواسطة عبدالمجيدالشمري

وبالمناسبة ياطويل العمر المزاين ماهو الا محك للتلاحم وازدياد الالفة والمحبة واذا مازاد من الرجولة لاينقصها .

الألفة والمحبة والتلاحم

هل هذا التلاحم لرفض الذل والهوان اللذي نعيش فيه امة الإسلام

هل هو لدعم اخوتنا المجاهدين في فلسطين ومد يد العون

لليتاما والفقراء والأرامل والمعوزين في امتنا الاسلاميه


ام هو اجتماع للتفاخر بالمال والتفاخر بالانساب والتفاخر بأحداث

حصلت حينما كنا شتاتا وكل قبيله تغير على الاخرى



ماذا يقولون اليهود

يرددون دائما قولهم ( محمد مات وخلف بنات )

لأنهم يعرفون أننا امة خارت قواها وصار همهم التلذذ بمتاع الدنيا
والاسراف بنعم الله التي امر بان نشكره لا ان نعصيه وبنعمه !!

انظر الى الدنمرك الحقيره وهي اصغر دولة اوربيه تتطاول على سيد الخلق برسومات كرتونيه


ماذا فعلنا كأفراد وجماعات هل نصبنا تلك الخيام وحشدنا تلك الطاقات للأحتجاج ودفعنا بتلك الأموال للتعريف بديننا وبسيرة نبينا صلى الله عليه وسلم
اهل جندنا طاقاتنا لألقامهم حجرا واعلامهم وافهامهم ان لو تكرر ذلك لن
تقوم لهم قائمه واننا نحب رسولنا اكثر من والدينا وسوف نفتديه بالاموال والأرواح

المشاركة الأصلية كتبت بواسطة عبدالمجيدالشمري

واذا مازاد من الرجولة لاينقصها ا .

الرجولة بحق يا اخي ان تصدق مع الله وتنصر الله لينصرك

الرجوله هي ان يكون همك الأول والأخير امتك ورفعة شأنها

لا أن تجزئها وتمدح قبيله على حساب قبيله اخرى وهي في الواقع امه واحده مسلمه رايتها لا اله الا الله محمد رسول الله

تغضب لما تراه على شاشات التلفزه من انتهاك لأعراض المسلمين
وتغضب لقتل اخوانها المسلمين وتغضب لقصف المسلمين في سائر المعموره

والغضب يولد العمل والتفكير لنصرة اخاك والذود عن حرمات المسلمين

هذه هي الرجولة الحقه

وتقبل تحياااتي