هذه الحادثة حصلت قبل أكثر من 150 سنة تقريبا ً، وهي للكاتب تركي آل فنيس
حدثت هذه الوقعة عندما غارت قبائل من اليمن وهي قبيلة دهم وقبيلة عبيــــده من قحطان والصياعر والكرب وغيرهم على آل حسن من آل صهيب من الدواسر عند الافلاج وحدثت معركة كبيرة انتصر فيها الدواســــــر وقتل من المعتدين الشيوخ حسب ماورد في القصيد.
وبهذه المناسبه قال الشاعر الهذيه مبارك بن شيبان الودعاني ، ويكذر فيها ان خساير الدواسر كانت عقر ثلاثين فرس ، في حين ان خاسايرهم الشيوخ والأرواح، كما غنم الدواسر منهم ثمانين من الابل مليئة بالزهاب غير غنائمهم من السلاح، وفي النهاية ينقل الهذية خبر النصر للشيخ سلطان بن قويد واليكم القصيدة.
انا هاضني من يمة الشرق جـردة=ثمـان اميـه لاكثـر الله حسابهـا
غاروا على ترثة صهيب بن زايـد=حسنيـة وافعالهـا ينـدري بهـا
يفدونهم فـد الفهـد شـرد المهـا=يقولون خلفات الغضا اش نبابهـا
خسايرنـا منهـم ثلاثيـن حافـر=وخسايرهم الشيخان نهفي رقابهـا
كله لعينـا ترفـة غضـة الصبـا=يبون اليمن مراعهـا مـن اثيابهـا
خذا قضاها عويض(1) وجعمل(2)=خيالـة الحرشـا نهـار العزابهـا
خذوا لابتي منهم ثمانيـن نضـوه=عليها الاشـده زاهيـات زهابهـا
مع الفرنجيـات مـن كـل مايـق=ضواق المجاري ضببت في رقابها
ون بانلك في يمة الخيـل فرجـة=تبغى الرديني(3) والرديني حجابها
حنا حمى الوادي بسيـفٍ وبنـدق=فرنجيةٍ ماعـاد يبـرى صوابهـا
لي لابةٍ زبـن المجنـا الـى وزى=هل كرمةٍ كم من جويـعٍ هقابهـا
عيدٍ الـهشـال الخـلا لالفولهـم=لاجات من الغربة حفايـاً ركابهـا
قصيرهـم يهمـل بليـا نقيـلـة=من الخرج لاخرباً رعى في جنابها
نواسة الحربي(4) على كل ضامر=لاقامة العبلـة يتلاعـج سرابهـا
ياراكب وجنا مني السير والسـري=وقم الرباع وما بعـد شـق نابهـا
تلفي لنا في عثعث الدحـي لابـة=هل عزوة من جا حماها دري بها
تنحر لنا سلطان زيزوم سربـة(5)=حامي العشاير ليـن كـل يهابهـا
1)عويض: هو الفارس عويض بن خضير الهواملة الدوسري
(2)جعمل: هو اخو عويض بن خضير الهواملة الدوسري
(3)الرديني : الفارس الرديني بن قويد المساعره الدوسري
(4)الحربي: يقصد به الطرف الثاني المعادي ( اي العدو)
(5)سلطان :ابن زابن ابن قويد
وهذه قصيدة الفارس : عبدالله بن فرتيش بن غصن الخضران الدوسري ومسندها للدواسر كلهم يبشرهم بالنصر الذي حققه الفرجان وآل حسن كلهم.
ياراكـب مـن عنـدنـا عيدهـيـه=تشدي هنوف درعت عيطموسها (1)
تسرح وتمسي لي طـوارف قبيلـة=زايدية في الهوش ترخص انفوسهـا
جانا مـن العبـر المسمـي مخيلـة=تبرق بنـار والثميـدي ضروسهـا
جتنـا جـرود ماعرفنـا حسابـهـا=من الكثر لا امست ماتحرس حروسها
عشرٍ مـع عشـر وعشريـن لليلـة=على الوجه قفو مايعوجون روسهـا
جونا عبيـدة والصياعـر والكـرب=وزيزومها الضلعان يقـدّون روسهـا
يبغـون خلفـات ذراهـا رماحـنـا=خلفاتنـا كـن الوحايـا جنوسـهـا
شـرف رقيبتهـم وبشـر كبيرهـم=شاف الخلايا في طـوارف كنوسهـا
غـاروا لحلتـنـا ورزوا بـيـارق=وعليهم نجدد مامضي من رموسهـا
بعنا علـي حـوض المنايـا بيعـة=وغنت بها الورقا بناعـم غروسهـا
ذبحنا عويضه وسونا لحـق صالـح=وعاداتنا لضو القوم نطفي قبوسهـا
نروي العرينيات فـي دلـق وردنـا=لين انثنت كـن الكلاليـب روسهـا
هجـوا وردينـا ثمانيـن نـضـوة=وخمسين عند البل دفقنـا نفوسهـا
خذينا الفرنجيـات ماينصخـي بهـا=مـع الخناجـر فاصـلات حبوسهـا
حريبنـا لـو ينتـزح دوم خـايـف=وابله علي العيرات دايـم ننوسهـا
ربعي عـزاز الجـار يامـن بدارنـا=يروح منا حرمته مـا نسوسهـا(2)
1)عيطموسها: الثوب المزين بسلوك البرسيم والحرير وتلبسه العروس ليلة زفافها
(2)مانسوسها: لانطلب عرضها بسياسه او حيلة
كما شاركت قبيلة الغرره بني عمهم الدواسر في المعركة وابلوا بلاءً حسناً ويقول فيهم الشاعر ابن غصن الخضراني من عرض قصيدة طويلة:
اخيارنا فـي ملاقـا عبيـدة=غريرية ٍ مروين حد الرهايف
كاتبه : تركي الودعاني
شكر وتقدير : لأبوسعد الفرجاني ، ومحمد الغريري ، والعماني على الاضافات
جميع الحقوق محفوظه لمنتديات الدواسر الرسميه
« آخـــر الـــمـــشـــاركــــات »
13-Oct-2007, 05:43 PM
معركة بين قبائل من اليمن وقبيلة الدواسر للكاتب تركي آل فنيس
العرض العادي
