لقيت بالعتبان خمسة عذاريب

[الذيب المقاطي]

كـــان الـجـنـدي ثــامـر بـــن فــلاح بن شامان الـشـمري

فــي دوره عـسـكريه

مـسـؤولـهـا الــمـقـدم تـريـحـيب الـعـتـيبي .

وقد تعرض الجندي ثامر لإطــلاق نــار غـيـر مـقـصود ومـكـث عــدة ايــام فــي الـمـستشفى.

وعــاد بـعـد ان تـمـت دوره زمـلائـه وتـمـكن مــن الـتـخرج مـعـهم فأرسل والده

فـــلاح بـــن شـامـان الـشـمري هــذه الـقـصيده:


سـلام منـي للمقـدم تريحيـب@اعداد ما خط القلـم بيـد كتٌـاب


وعداد ما غنوا هل الفطر الشيـب@بأرضٍ خليه ما بها غير الاعشاب


وأعداد ما ذعذع نسيم الهباهيـب@وأعداد ما سجيت رجلي للاقـراب


ما هي غريبه منك يا كاسب الطيب@حلياك من نجـمٍ تبيـن ولاغـاب


شريف ما يدخل على ساسك العيب@من يفعل الحسنا بالاجواد ما خاب


لقيت بالعتبان خمسـة عذاريـب@الطيب والنخوه وتقديـر الاجنـاب


دون الخوي يا طون حر اللواهيب@وان حدت الدنيا يفكون الانشـاب



فـــرد عـلـيـه: تـريـحـيب بـــن سـويـلم الـعـتيبي قـائـلاً:



حي الكتاب اللي من الشمٌري جيب@اقولها بالصـدق مانـي بكـذاب


يا مرحبا عد النجـوم المراقيـب@ترحيب مشتاقٍ ليا شاف الاحبـاب


بكتاب ابن شامان رجل المواجيب@فيه الجواهر بين صايغ وحسـاب


بنيت له بأقصى ضميري دواليـب@هذا الرصيد اللي كنزته وراء الباب


من شأن ثامر يرخصن المطاليـب @خوينا الطيب له الحـق غصـاب


خوينا ننصاب مثلـه ليـا صيـب@نمرض معه ونطيب مثله ليا طاب


يا عل ما يفتق على مثله الجيـب@والله يجيره من صواديف الاسباب

[أبوثنتين]

مشكور

أخي الذيب المقاطي


على ذكر هذه القصة والأبيات الطيبة


علماً أنها سبق أن ذكرت في المنتدى


ولكن هذا شيء ينومس ويرفع الرأس من الضابط العتيبي


و لاهي غريبة على رجلاً شهم من أبناء قبيلة عتيبة الهيلا


ومن واقع الوفاء والخوة الطيبة


وله مني تحيه

[الذيب المقاطي]

ابو ثنتين
لاهنت على المرور ولا علم لي بنزولها مسبقا
تقبل تحياتي

[طـــــــــلمس]

اشكرك على الطرح الجميل

[الذيب المقاطي]

طلمس
لاهنت على المرور

[..alroqy..]

مشكور على هالقصه والقصايد الرائعه

[ممدوح الروقي]

اشكرك على النقل ويستاهل العلم الغانم ابوسويلم

[محب الهيلا]

يازينها من عذاريب ومشكور على ماقدمت