هذه القصيده بثت في قناة الصحراءفى مدح الشيخ سالم العلى الصباح

[بدر ناصر المورقي]

يـالله يـــا عـــلام سر الخـفـايـا =الواحد اللي له مصلين وسجود
لك الثنا والحمد واقبل ثنايا= عافيت وجه الخير ياخير معبود
الشيخ سالم جا من اقصى النحايا= استبشري ياكويت وانتثري ورود
املي الشـوارع بالـهـنا والتـحـايا= يومٍ عساه يفيض هتان ورعود
عسى دروبه مخضرات وروايا= ياعل ما باب السعد عنه مسدود
السامي اللي مارضى بالـدنـايـا= يوم ان ولد اللاش طمعان بالزود
من نسل اجـاويدٍ كرام الـلحـايـا=ميراث اسود بالوغى غصبٍ تسود
سـلايــل قــرومٍ تــرد الــرزايا= وقت المعارك هم صناديد وفهود
اللي على العدوان ســم الحيايا= واللي بعين الشعب افراح وسعود
يامورد عـــدانا حياض المنايا= اليا طلب يوم المثارات مقرود
بثنين اغسطس قاد روس السرايا= صامد كما الظلعان واوتاده جنود
ياتـــاج عـزٍ فوق روسٍ عـلايا= يازند منهو بالمحن فاقد زنود
يالشامخ اللي ماوطى بالخطايا= ياهيبةٍ يرخي لها كل جلمود
يالحر يالزيزوم شيخ البرايا= يالقرم يالزحزيح يانار بارود
ياشيخ ســــالم مدك الله مزايا= منها المعزه والوفا وصادق وعود
وصفك عسرني من جميع الزوايا= بالشعر وافضالك براهين وشهود
لانك بحر جودٍ فدوك الردايا= اتعبت من وده يباريك بصعود
ياسالم الوقفات عذب السجايا= يالطيب اللي طيبه اطيب من العود
يوم المحاكم امتلت بالقضايا= والناس صاروا بين معسر ومصدود
والدين بهذلهم سوا سوايا= وسيف الفقر بنحور الاجواد مجرود
والهم مترصد ونــاوي نوايا=وحبل العوز من حول الارقاب مشدود
بلوى كــفانا الله شــر البلايا= راح البياض وصارت ايامهم سود
ياشيخ سالم جيت كلك عطايا= واطلقت مسجونٍ شكا ويل وقيود
وسالت يمينك مع شمالك هدايا= يفرحبها من كانت دروبه سدود
واستبشرت منها قلوبٍ ظمايا= شفقى على لمت شمل كان مفقود
مسرج نوايا الخير فوق المطايا=شالت عليها حمول من كان مضهود
وحدر مكارم من سفوح وشغايا= فاضت غدير يدهله كل مطرود
يابلسم جروح اليتيم العرايا= لله درك رحمتٍ مالها حدود
افعال طيبٍ واضحات جلايا= ماتنجحد واكتملت اصداء وردود
جزلٍ عطاك وما تمد الهرايا= ظاري على الجزلات واكرم من النود
يالفارس اللي جيت كلك حمايا= يااعذب من الينبوع يااثبت من الطود
يالواصل اللي يستمع للشكايا = بينه وبين المشتكي جسر ممدود
حافظ حقوق الله وموصي وصايا = بالجود مايذخر لها كل مجهود
كم نفس تدعيلك من اقصى الحنايا= يدوم عمرك كله سهود ومهود
رعيتهم واسقبلوك الرعايا= بعيونهم نظرات الاشواق للعود
ثابت وفانا ماتبعثر شظايا= نوفيك ياشيخ لك الفعل محمود
ان ما وفينا نستحق الخزايا= حق علينا نوفي لصاحب الجود
انا امدح اللي مامشى بالزرايا= وجه الفلاح بعيد عن كل منقود
يفداك كل منهو مشى بالوشايا= ابن اللئيم مقابل الطيب بجحود

[عبدالرحمن الهيلوم]

سلمت يالغالي
تقبل مرور اخوك

الهيلوم 1340النفيعي

[يزن الهيلوم]

شمشكور اخوي يعطيك الف عافيه

صح السانك ولسان قايلها

[بدر ناصر المورقي]

الهيلوم صح بدنك ومشكور على المرور
بدر المورقي

[بدر ناصر المورقي]

يزن الهليوم على فكره انا صاحب القصيده وقايلها وكل الشكر على مرورك
بدر المورقي

[عبدالرحمن الهيلوم]

كفووووووووو يالغالي انا اسف بالنيابه عنه

وانتم ال مورق اهل العلم الغانم والشعر فديتك


اخوك(( النفيعي ))

[مرزوق حمدان العتيبي]

..
...
صح لسانك ... وبيض الله وجهك على هالجزاله
...

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[محمد العتيبي]

الاخ بدر المورقي
قصيده رائعه جدا في سمو الشيخ :سالم العلي الصباح..
راعي الوقفات ..

وصح لسانك واعتلى شانك..

التوقيع

للتواصل عبر twitter تويتر al_bargawy@

[بدر ناصر المورقي]

مرزوق العتيبي,ابو مشعاب,
الله يبيض وجيهكم على الاطراء والمرور الكريم
بدر المورقي