 |
|
|
اختيار تصميم الجوال
 |
 |
 |
|
|||||||
 |
 |
 |
 « آخـــر الـــمـــشـــاركــــات » |
 |
| أدوات الموضوع | انواع عرض الموضوع |
|
|
|
|
13-Feb-2008, 06:11 PM
|
رقم المشاركة : 1 | |||||
|
سوالف وبعض القصايد للجن ,,,, رهيبه لا تفوتكم ...
(انت وش عليك من ذيبي ياكلني ولا ما ياكلني) كان راعي ابل معشيٍ اباعرة العصر ... على فرسه ... ومعه العبد يقهر المقهور ... ويوم جاء العير (العصر المتأخر) قال للعبد ... يا فلان حط عينك على البل ...انا ابا اروح ادور لها مبيتٍ زين ... مشى من عند العبد على حصانه ... يدور لاباعره مكانٍ دَمْث تبرّك فيه البل في اليل ... ويوم رقى هاك الزبارة ... سمع له صوت ورعٍ يصيح ( يستنجد) .... يوم عاين في اسفل الخبة ... لين فيه عواشز (العوسج) ... والورع يدور حولهن ويصيح ... وفيه ذيبٍ يراوغه مع العواشز ( كلما راح الذيب في جهه راح الورع في الجهه الاخرى) ... صاح الرجال على الذيب ( الخلا ... الخلا ) وهذب الحصان يمه ... والذيب يوم سمع صوت الرجال هج ... ويوم اقبل الرجال على الورع والعواشز ... قال للورع ... ابك هو بغا ياكلك ... قال الورع ... انت وش عليك من ذيبي ياكلني ولا ما ياكلني ... ويوم قرب منه ليا هو مهوب ورع طبيعي ... شوشته كلها شوك ... وعيونه مثل الصدوع من فوق لتحت ... وقال له ... الله يجعله ياكلك ولا يخلي لك شريدة ... ويوم اقفى عنه ... ووصل راس الزبارة اللي سمعه منها اول مرة ... سمعه يصيح بعد ... ويوم التفت يمه لين ذيبه اللي اولا يراوغه بعد ... بس هالمرة ما رجع له ... راح وخلاه في حال سبيله هو وذيبه ... ويوم جاء النهار الثاني ... والبل تمر العواشز حقة الجني ... ويمر الرجال على العواشز ... ويلقى مفارس الذيب للجني ... وفي المكان نطف دم بسيط ... وكان الذيب حافر له زرب صغير في طرف احدى العواشز ... عاد الرجال فسر محفر الذيب للزريب ... ان الجني ( الورع) كان ناوي يدخل في بطن الارض... بس الذيب صاده قبل تبلعه الرقة ... والبادية يقولون ان الجني ليا شاف الذيب ما عاد تبلعه الارض ... ومن رواياتهم عن الذيب يقولون انه سبع ليال يتعشى من البهايم وخشاش الارض ... وسبع ليال يتعشى من الجن ... وسبع ليال من الجميم الايبد ..... ( يا الله اقلعها عنا بعدحذفت حصاة) هذا المثل مثل معروف عند العامة ... وقصته ان فيه رجال له ابن وبنت ... قدر الله وماتت البنت ... وقام الابو والابن يحفرون القبر ... ومن العصر لين المغرب عجزوا يحفرون شي ... لأن الارض صلبة ... ولا يدرون وش سبب صلابة الارض ... لأنهم يحفرون القبر في ارض هشه وكأنهم يحفرون على الصفى ... وامسى الليل وهم ما سوو شي ... صابهم الارهاق والتعب مع الحزن ... وجلس كل واحد لحاله ... حاطٍٍ يدينه على عيونه من التعب ... ولا افزعهم الا صوت رجل غليظ يقول ( يا الله اقلعها عنا لو حذفة حصاة) ... قام الابو واخذ له حصاة وحذفها .... ويوم وقعت في الارض قال لولده ... تعال نبا نحفر هناك عند مطيح الحصاة ... وفعلا حفروا القبر وتيسرت امورهم ... وهم قبل كانوا يحفرون فوق بيت جني .... ههههههههه (( بغوا يشقون السطح على الجني )) (الجني العاشق) هذي القصة قريبة نسبياً .... يعني قبل حوالي ثلاثين او اربعين سنه.... كان فيه بنت مع اهلها ... وتسرح في الغنم .... وعلى هذي الحالة طول الزمان ... وفي يوم من الايام ... يوم ضوت الغنم على اهلها ... البنت ما ضوت معها ... راحوا اهلها يدورونها في الليل ... يا الله اني دخيلك من الهجاد ... وما لقوها ... ويوم اصبح الصبح وهم يروحون يدورونها في مفلا الغنم امس ... ويلقونها طايحة على الارض مريضة ... ويشيلونها ويودونها للبيت ... ويوم جت في البيت وهم يعطونها عيشة .... وتاكل ... وهي تقوم تهرج لين ما بها غير العافية... أخذت لها أيام على هذا الحال ... ولكنها مرضت من جديد ... واهلها ما يدرون وش فيها ... راحوا يعالجونها في كل مكان ... وما لقوا لها علاج . جاهم واحد من ربعهم وقال (ترى فيه واحد في الكويت يعالج مثل هالحالات ) . عزموا اهلها انهم يعالجونها في الكويت ... وقالوا لواحد من اخوانها ... يا فلان اسرح في الغنم ... وحنا نبي نروح نعالج اختك في الكويت ... طبعا هي تركت السرحة من زمان بسبب وجعها ... ويوم راحوا للكويت ... واخوها سارح في الغنم ... وكان قريب من احد الجبال الصغيرة ... سمع له صوت واحد يغني ورى الضلع ويقول: هذي مفالي خـويٍ لـي (........................) اللي قرونـه شعافيلـي وامضللاته عن الشمسي وخويتماتـه تفاريـزي ومفرقاتٍ على الخمسـي ويوم رجعوا من الكويت علمهم باللي سمع ... واكتشفوا ان اللي فيها جني ... وراحوا يعالجونها عند مطوع ... واخرج الجني منها ... واشفاها الله. مايستفاد من القصة: انتبهو للبنات من الجن لاسرحن بالغنم...ترى فيهم سرابيت ............ وتقبلوا تحياتي ...... اخوكم المهتم بسوالف الجنون .. مازن العتيبي |
|||||
|
|
|
|
|
|
|
|
|
|
13-Feb-2008, 09:04 PM
|
رقم المشاركة : 2 | |||||
|
مشكوووووووور يالغالي 0والله يكفينا شرورهم وعظايم امورهم
|
|||||
|
|
|
|
|
|
|
|
|
|
|
13-Feb-2008, 10:06 PM
|
رقم المشاركة : 4 | |||||
|
مشكور
وانا ذكرت اسم الله قبل ما ادخل الموضوع لان ما فالبيت الا انا وما عندي استعداد يطلع لي جني منا والا منا |
|||||
|
|
|
|
|
|
|
|
|
|
|
14-Feb-2008, 02:51 AM
|
رقم المشاركة : 5 | |||||
|
يولد يبيلنا قعده معك تراك نفس الحال
|
|||||
|
|
|
|
|
|
|
|
|
|
|
14-Feb-2008, 06:19 AM
|
رقم المشاركة : 7 | |||||
|
هههههههههههه اثر ماش احد ... وش جاكم اللي يقول قااعد لحالي واللي يقول سميت قبل ادخل من الراعه ههههههه ,.,, اجل لو اني جايب لكم سالفه عندي انا مرتاع منها بنفسي وش بتسوون .... هههههه |
|||||
|
|
|
|
|
|
|
|
|
|
|
14-Feb-2008, 06:31 AM
|
رقم المشاركة : 8 | |||||||
|
ههههههههههـ
اللهم اني اعوذ بك من الخبث والخبائث مشكور يالغالي,,,
|
|||||||
|
|
|
|
|
|
|
|
|
|
|
14-Feb-2008, 12:42 PM
|
رقم المشاركة : 9 | |||||
|
هههههههههههههههههههه
الله يكفينا شرك انت وجنونك |
|||||
|
|
|
|
|
|
|
|
|
|
|
14-Feb-2008, 03:27 PM
|
رقم المشاركة : 10 | |||||
|
هذي قصيدة مشهوره ومعروفه اللي قايلها نفر من الجن في المجمعه وقد سمعت في شعيب المشقر ورواها الكثير
وصح اللسان الجني اللي قالها لأنها قصيدة رائعه ( الدمام يعني الطبل ) آخر تعديل سعد - 511 يوم 14-Feb-2008 في 03:31 PM.
|
|||||
|
|
|
|
|
|
|
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
|
|
 |
 |
العرض العادي
