قصيده في عتيبه الهيلا من الحبابي

[علي الحبابي]

هذه احد مشاركات الشاعر المعروف مضواح ابن شتوي الحبابي القحطاني التي القها في مزاين وملتقى عتيبة الهيلا وفي الاقلام المسمومه
التي تكتب ضد المزاينات وتكتب ضدا اصحابها اللي على الفطره واهل ولاء واخلاص
لقيادتنا الحكيمة حفظها الله .

*****************

سلامي على العتبان ومزايـن العتبـان=سلامي على اللي صيتهم واضـح دوره
قبيله لها بيـن القبايـل مكـان وشـان=على العز والناموس والطيب مشهـوره
هل السيف واهل الرمح والخيل والميدان=واهل خوةٍ من سابق الوقـت مذكـورة
واهل فزعةٍ لبان وقـت اللـزوم وحـان=واهل ديرةٍ على العز والساس معمـوره
وأهل كرمةٍ يشبع بها التايـه الجيعـان=ويشبع بها سرحـان والبـر وانسـوره
رجال مواقفها علـى الثبـت والبرهـان=فعايال عتيبـة مجدهـا ساطـع نـوره
وانا . لوّ . باعد ابطالهم كلهم فرسـان=مشايخ مع فرسان شجعـان وا نمـوره
على رأس شيخ شاع صيته مع العربان=مسجل له التاريخ في عهـده أحضـوره
خذينا معاهم سجـةٍ فـي زمـان كـان=وكلن على صيد الفـلا يسبـر صقـوره
عتيبه عتيبه ياهـل المـدح ياالظفـران=طحاطيح روس و فخرها عالـيٍ سـوره
اقوله نيابه عن شموخ العـرب قحطـان=بني عمي اللي فعلهم فخـر. واسطـوره
تراحيبنـا وفعولنـا للعـرب عـنـوان=رقينا سنام المجد . وآعـز . مقصـوره
زمان مضى يوم الفشق محزمـه مليـان=نحتنا الفخر والنصر في نجد واصخـوره
ويشهد لنا فعل ابن هادي وابن هـدلان=ويشهد لنا تاريـخ الامجـاد وعصـوره
وياعتيبة الهيلا هـل الملتقـى الرنـان=مواقيفكم يشهـد لهـا البـر وابحـوره
سعيتوا على العليا مشايخ مع الاعيـان=على الطيب والاعلام خضراء ومنشوره
على طاعـة الله واحـد رازقٍ رحمـن=عظيم الجلال اللي لـه النـاس مامـوره
وعلى سنة الهادي محمد وعل آلقـران=وبنيتوا مزاينكـم و وقويتـوا جسـوره
وطاعة ولي الامر في الراي والحسبـان=واظفتوا على حب الوطن بهجة اسروره
ولافي المزاين غير جمعا ورفعت شـان=على الطيب والاحوال يسره وميسـوره
وهـذا وكـل مزايـن يعتبـر مـيـزان=مرسّم على وضح النقاء ما اختلف شوره
ولايكتب الهرج المّزور سـوا الضيعـان=هل السم في الاقلام وعقـول مسحـوره
هل العلمنه والملحد ة زمـرة الشيطـان=يقولون قول يخلـف الرجـل وشعـوره
تذم المزاين واتتطـأول علـى البـدوان=تصفّـق مـع الفنـان وتمجّـد الكـوره
تهّمش على عادتنا اللـي مـن الجـدان=لوّ انها تعـذر عـذر ماهـي بمعـذوره
سواليفهم وهروجهـم تزعـل الفهمـان=تشب الفتن كنها على الكـذب مجبـوره
وحنا قبايل نصـرة . الديـن والايمـان=على فطرة الاسلام من منبـع ظهـوره
و نزهى عقيدتنـا ولا نقبـل الخـذلان=على منهج الله حسب شرعة ودستـوره
ولانعرف اهل الكذب والزور والبهتـان=عسى اللي يدّور للـردى ينفجـر زوره
ولاعندنا غير الولاء. شايـب. وشبّـان=ومن فضل ربي كل الاحـوال مستـوره
يعيش الملك وتعيش ياخيـرة الاوطـان=عسانا فداك وزمـرة الشـرك مقهـوره
نحب الوطن ونذود عنـه ولّـو ننهـان=ولاّعندنا ضده . تحـزّب . ولا. ثـوره
ولا ّنا لا بو متعب تزايـد بـلا نقصـان=مليك فـرض حبـه لشعبـه وجمهـوره
مليك جرى حبه مع الدم فـي الشريـان=على غيبته نشفـق وننصـاه ونـزوره
كريم السجايـا العاهـل القايـد الربـان=مزايـاه معدومـه وفضـلاه مشكـوره
حبيب العرب صقر العرب قايد الشجعان=عسانا فدا له من عنا الوقت وشـروره
ويسلم لنا طير السعـد سيـدي سلطـان=ولي العهـد ياتـاج شعبـه ومنظـوره
نعيش برغد ونعيش في نعمـةٍ وامـان=تحت هيبة اللي في التواريخ منصـوره
سعاطير نجد اللي حمت ماورى الحـدان=ملوك الجزير وأهل الاضغـان مدحـوره
تحت راية ابن سعود صرنا مثل الاخوان=كيان بناهـا القايـد الفـذ اخـو نـوره
وختم الكلام المجد في ملتقـى العتبـان=لقيناه يالعتبـان. بالصـوت. والصـوره
مـضــواح بــــن شــتــوي الحبابي القحطاني =

[ابو براك]

صح لسان الشاعر مضواح ابن شتوي الحبابي القحطاني

ونعم في قبيلة قحطان ولاهنت

[الشنباوي]

صح لسانك يالحبابي

ولاعلاكم زود

[معد يكرب]

والله ونعم .. ارررررررررررررحبي يالجزالة من اهلها وفي أهلها ..

[bader999]

صح لسان الشاعر مضواح ابن شتوي الحبابي القحطاني

ونعم في قبيلة قحطان ولاهنت

[غريب أطوار]

واللة ونعم ومليار نعم يعيال الشايب
ونعم من قبيلة

[مرزوق الجعيد]

صح السانه

وبيض الله وجه ناقلها وقارئيها وكاتبها ومن رد عليها

[علي الحبابي]

المشاركة الأصلية كتبت بواسطة ابو براك

صح لسان الشاعر مضواح ابن شتوي الحبابي القحطاني

ونعم في قبيلة قحطان ولاهنت

هلا ابوبراك وحياك الله ف محلك

[فيصل الحويماني]

صح لسان الشاعر

مضواح ابن شتوي الحبابي القحطاني

ونعم في قبيلة قحطان ولاهنت

[علي الحبابي]

المشاركة الأصلية كتبت بواسطة الشنباوي

صح لسانك يالحبابي

ولاعلاكم زود

حياك الله ومرحبا الف