::::: من روائع حبيب العازمي ( الوصف 14 ) ::::::

[الشيباني 11]

السلام عليكم ورحمة الله وبركاته




الوصــــــف (14)

كل يوم أشوف ويصير في صدري كلام = أحفظه وأقول بكره وأخليه بعده
خايفٍ من زلة الرجل للأمــــــــــــــــــام = زلةٍ من باب عفوًا تــصـير منكدة
عز نفسي كنز غالي ما أبيعه لو يسام = استفز اللي يسومه أهينه وأضهده
يا هنوف تنقش الكف وتدق الوشــــام = فوق خدٍ مثل برقٍ سرى قدم رعده
بارق يشرق ويبرق تحت جنح الظلام = النـــــــجوم تخالطه والظلام يبدده
يستدل اللي سرى به يمن والبرق شام = البـــعيد يقربه والقــــريب يبـــعده
فيك وصف منه يا أم الخلاخل والزمام = وأنتي اللي وصفك مستحيل احدده
اختصر من وصفك أربع طعش وصفٍ تمام = كل وصف يحفظه خافقي ويردده
وصفك الأول يزودك هيبة واحتـــــــــرام = والحيا والستر راعيه يدرك مقصده
وصفك الثاني يحد الكريم ابن الكـــــرام = لين ينفق كل حاله ويبسط لك يـــــــده
وصفك الثالث لو أنه دخل وسط العظام = يركض الرجال ويطيح ويضيع جهده
وصفك الرابع ما يعطي لا شرع ولا نظام = سيرته مسترسلة من نشب ومعقده
ووصفك الخامس حلال وعلى غيرك حرام = إن تخيلت أجده ون توقعت أفقده
ووصفك السادس من اسمك يجدد كل عام = مثل عهد الوافي اللي ولاه يجدده
ووصفك السابع يكف العيون عن المنام = من طر اله ما طرالي سرى من مرقده
ووصفك الثامن ليا غردت ورق الحمام = أعرفه وأقربه وان تضايقت أجحده
ووصفك التاسع ما بين الهبايب والغمام = الغمام يثبته والهبايب تطرده
ووصفك العاشر يخضبك بعروق البشام = والظلام ينقصه والشعاع يزوده
ووصفك الحادي عشر ما قبل برد وسلام = وان كتبته في ثلاث حروف مشددة
ووصفك الثاني عشر لا شراب ولا طعام = يبرد الهاجس وحر الظما ما يبرده
ووصفك الثالث عشر يستمد من الحسام = أخذ سله فقط وهكذا موكـــــــــــده
ووصفك الرابع عشر في البداية والختام = يسعد اللي غير شوفك ما شيٍ يسعده
اختصر وصوفك اللي تشد أهل الغرام = بالتسلسل كلها مفقده ومنقده
مجتهد والمجتهد لو يقصر ما يلام = أعترف بالحق مثل العوارف وأشهده
ولا يهونون النشاما رفيعين المقام = الرجال اللي تعز البخت وتسنده


الشاعر
حبيب العازمي