ياللي تبي تفزع مع الأشراف من حطك شريف - الهيـــــــــــــلا *** منتدى قبيلة عتيبة

ذيب الجهني · 02-Dec-2006, 11:05 PM

بسم الله الرحمن الرحيم

السلام عليكم ورحمة الله وبركاته

هذه المحاوره من أعنف وأشرس المحاورات
التي دارت بين الشاعرين الكبيرين

محمد السناني

و

حبيب العازمي

______________

حبيب

الليلة الشعارخلوني على حيدالرصيف{1}والآدمي مخلوق فوق الأرض والأرض تحته

يالربع أنازميلكم مدعي وجاين من عفيف{2}مابه جديدإلاالسناني ماخذٍ من لحيته

السناني

{خلوك ربعك وأنت عندأهل البلدطرقي وضيف{1}وأناوفيصل دوم ماحنالكم متشمته}

{زميلناالغالي ووسط الملعبه ماله وصيف{2}لولاه بعض أحيان ينقل حاجته وسط بكته}

حبيب

{بالله يامحمد تشد القاف لاشدك ضعيف{1}الشاعرإللي مايشد القاف يأكل سبحته}

{ياكبرمصدارالخطى من صاحب العقل الخفيف{2}كم واحدٍ يكذب على سود الليالي ومحته}

السناني

{أبشريابوفيصل يجيك الصيف من بعدالخريف{1}إللي يبي يلعب معك فالقاف يأخذراحته}

{لاتحسب إن أنته تشوف الدرب وأناأعمى كفيف{2}إللي تشوفه شايفه كلاًكتب في لوحته}

حبيب

{إللي يبي التقديرأبي أقهويه بالفنجال كيف{1}وإللي يباله وزن بلف آزن بلوفه وأسحته}

{يالفارس إللي تعتزي من دون رمح ودون سيف{2}اذياب من ياقف على دربه برمحه ينحته}

السناني

{هذي مصيبه ثانيه يارب تلطف يالطيف{1}العازمي سود الليالي ماتتمم فرحته}

{ياللي تبي تفزع مع الأشراف من حطك شريف{2}والداب في المرزام والمرزام سهلة مسحته}

منقول . للكاتب المبدع ضيف الله الحارثي

سلطان الجـذع · 02-Dec-2006, 11:10 PM

الجهني ..
صدقني اني معجب في ماتطرح من مواضيع

فاختيارك دائما موفق ..

وشكرا على المحاوره الرائعه ..ومن شعراء كبار

ولكن ماادري ليه السناني يتلخبط قدام حبيب دائما
مع العلم انه شاعر لايستهان به

ابن نميان · 02-Dec-2006, 11:18 PM

لاهنت على النقل المميز

يبقيان شاعران علمان

شاعر جهينة المفضل لي هو بخيت

ماشوفله في هالمنتدى موالات انقطع

التوقيع

’,’

,’,’*,لاَ إِلهْ إَلاَ اللهَ , آللهُ أَكْبَر , (ولا ) حَولَ ( ولا ) قُوةَ ( إلاَ ) بالله ,*’,’,

[ رَبْنَا لاَ تُؤَخِذنَا إِنّ نَسِينَا أَو أَخَطْأَنا ]

ذيب الجهني · 03-Dec-2006, 12:13 AM

مشكرين على مروركم الكريم

سلطان الجذع هاذا من ذوقك الرفيع اما محمد يتلخبط قدام حبيب وجهت نظرك احترمها لاكن الواقع غير .

بل العكس ( اعتبرها وجهت نظري )

ابن نميان . صراحه ماأعرف أنزل مقاطع صوت . والبركه فيك وبالأغضاء

ودمتم ...