قصيــدتي: الخطــأ....۞بٌَِنْ نْجًِْـِِّـِِّـِِّـِِّـِِّمً۞

[*النجـــــم*]

السؤال اللي علي تكرره................مل مني ومن جواب أردده

كان عندك شك فيني غيره..........إتركه هات السؤال اللي بعده

أعتذر لك ما تقدر معذره.............واضح(ن) تبغا رموز محدده

من يودك ليا أعتذر لك قدره..............تكسبه ما تخسره وتقيده

لا تحسب لكل هفوة صغيره.............خل عُتبك في خطايا معمده

الخطأ من صاحبك لن برره.............شوف تبريره ودقق مسنده

يمكن الشغلة تكون مدبره...........خارجه عن قدرته ماهي بيده

لا تقل له شي وترجع تغدره..............تحسبك تدنيه وأنت تبعده

أُوزن أقوالك بحد المسطره..............خلها مثل الدروب ممهده

الخطايا والشكوك مدمره..............ليا طرأ لك شك بادر جمده

لين تلقى لك دليل يفسره.................ولا تظلي بكل حين تجدده

الخطأ لو هو بغيت تكبره..............يلهــدك واللي تـوده يلهــده

وإن تركته مات كنك تقبره........يروح وأنت ما شعرت بمفقده

الخطأ باول ظهوره م أكبره..........وإن تجاهلته يموت بمولده

الخطأ والنــار لو هو تحقره............يكبر ليا منك بغيت تزوده

وإن تركته مات ما شيء تخسره...أنت تسعد لو هو ما يسعده

الخطأ من صاحبك لا تنشره..........بين خلق الله بقومه وقعده

أستــره كانك تحبــه أستــره.........تنطفي نار الخطايا المؤقده

الخطأ لو حام حوله ثرثره........لو كذب البعض من جهل أكده

والعفو والصفح عند المقدره...عادة(ن)لأهل القلوب المسعده

تكسب السمعة وتكسب مغفره........الخطأ لو هو جسيم تبدده

[شوردي العتيبي]

صح لسانك

وبيض الله وجهك

[مخلف الهقاوي]

النجــم

رااائعه

صح لسانك يامبدع

احتراماتي

[*النجـــــم*]

مشكورين

الله يسلمكم

مروركم وثناؤكم شرفني

لكم

تحيــــــــــــــــــــــــــــــــاتي,,,,,,,,