رديه بين خليف الأسعدي ومعزي العنزي

[أبو صقر]

بسم الله السلام عليكم
مراده شعريه بين خليف بن شاهر الأسعدي ومعزي بن شرعان العنزي

يقول معزي مسندا لأبو ابراهيم خليف :

الا يابو ابراهيم اعطنا من نظمك الأمثال =الا ياشبه طير يشبعك من فعل مخلابه
لا ياشوق بنتن راسها ياتيك وصف حبال = انا فكري معاكم والعقل والفكر غيابه

ويقول خليف:

الا يامعزي الشرعان الا ياطيب القبال =الا ياعين حرن شلع من راس مرقابه
انا مثلك صويب الروح والغالي عليه طال = تحير خاطري ياخوك مادري وش بعد صابه

يقول معزي:

الا يابن شاهر ارحموني وافزعوا ياعيال = انا حب العذارى في ضميري بان مضرابه
انا لاتلومني لو اصيح ويبتديبي هبال = حبيبي راح أيامشكاي وتحيرت بسبابه

ويقول خليف :

الا يابو عقيل ابشر تراني حاضر عمال =ونا معك يارفيقي فزعه نروح طلابه
نجيب اللي تبيه بطيب والا ندفع الاموال = وتاخذ صاحبك وتشرع انيابك على نابه

ارجو ان تحوز على اعجابكم مع التحيه.....................

آخر تعديل أبو صقر يوم 07-Aug-2007 في 10:20 AM.