قصيدتي: (ما ينشــد إلا من النـاس مجهــول)

[*النجـــــم*]

1
.لا تنشدوني من أين وإلا من أيات.....ما ينشــد إلا من النـاس مجهــول
2
.أنـا ثبيتـي من رفيعين الأبيــات...راع النسب والمجد بالعرض والطول
3
.غصبٍ عن الحساد وغصبٍ لشمات......هـذا كـلام الجــد ثابــت ومعقـول
4
.إلــي على التـاريخ كثير بصمات....فاعـل ولاني يا عـرب كنت مفعول
5
.إلي مع الأيــام صــولة وجـــولات.....ما يجهـل العتبـان يا كود مهبول
6
.ماضي وحاضر وباقي العز جايات....الأصل ثابت وباقي الناس مشمول
7
.ابن هليل يعرفــه كل من مـــات.....ويعرفه من هو حي يا كود مخبول
8
.إلــه مع التــاريخ يا كـم وقفــات...لن صعبت الإريا لقا لصعبها حلول
9
.أصلي وأنـا فرعـه والأفعـال ثبـات....ومن كان جده نجـم ما هو بمأكـول
10
.ما ني بحاجــة للصحـف والدعايات....هذا طريق اللي عن الناس معزول
11
.ولاني بحاجــة للعطــر والمرايـــات....طيبـي مكفيني وباقي له فضــول
12
.مانـي بـلا خبـل ولانـي بهتــات.....ولاني على الأعناق في يوم محمول
13
.الضيف ما نمنعـه في كل الأوقـات....بيت الكرم ما يوم شـافوه مقفول
14
.هذا الفخـر إلي مع الطيب سجـات.....اللــه كملنــا بخيــرات وعقــــول
15
.قمة معزتنا ولنا الفخــر بإثبــات.....خــوال للي للمخاليـــق مرســول
16
.معروف منزالـه بقرايـا الذويبات.......ولا زال منزالـه من ثبيت منـزول
17
.هذا لوحده يكفي ثبيت بالــذات........باقي مدى الأزمان تـاج على طـول
18
.باقي الفعائل كان راحت ولن جات....تحيــا مع الأيــام وتعيــش وتـزول
19
.رضيعنـا ليا رضع خمس رضعـات.....يضرب بسيف ورمح ويعَسف خيول
20
.هذا جــواب لكل جاهــل وهتــات.....للي يحسب البُـر مصنوع من فـول

[صنداح الزلامي]

ونعم فيك وبدون شك أنت من اهل الاصل والساس

قصيدة جزله وشاعرها جزل


تقبل مروري

[*النجـــــم*]

شكرا لك أخي الكريم

كلنا أصل وما عليك زود

لك

تحيــــــــــــــــــــــــــــــاتي,,,,,,,,

[مخلف الهقاوي]

كفو كفو يالنجم

صح لسانك يامبدع

احتراماتي

[*النجـــــم*]

مخلف الهقاوي

ما عليك زود

مشكور على الرد

تحيـــــــــــــــــــــــاتي,,,,,,,