قصيــدتـي : أنـا ليا سـافرت ۞بٌَِنْ نْجًِْـِِّـِِّـِِّـِِّـِِّمً۞

[*النجـــــم*]

1.
أنـا ليا سـافرت القى وجـودي بالســـــفر......أجــدد أفكـاري وروحي الكـريم يجيــرهــا
2.
أشوف ناس وناس وأسمع بالخبر تلو الخبر......وأفكـار نفسي كل شيء بالوجـود ينيرهــا
3.
والمتعة إنك في زمانك تركب أفراح وخطر......ليا تلاشـت زوبعـة بالوقت يظهـر غيرهــا
4.
أناظر الشمس ليا طلعت وأراقب للقمـر......أحسب ثوانـي سـفرتي كبيرها وصغيرهـا
5.
أروي عيوني بالسحاب وبالعيون وبالنهر......الأرض يا كبر الأرض يصعب علي تمتيرهـا
6.
مـر على متن المـزون ومـر في لجـة بحـــر......وكل وجهـة عـــارف أهدافهـا وتفسـيرهـا
7.
أسمع جديد وأكتبه أكتب سطربعد سطر......حتى يجـودن المعـاني وأعتنـي بتعبيرهــا
8.
وأقطف من الورد الربيعي المورد والحمر......أروي ضلوعي من رواهـا فوحهـا وعبيرها
9.
أشاهد أشياءبالسفر أنسى بعضها وأفتكر......أدون أشياء بالورق وأشياء أحب تصويرها
10.
شيءألاقي له عذر والبعض منها بلا عذر......لو جئت ابرر بعضها يصعب علي تبريرها
11.
أهم أطير مع الطيور الطائرة فوق الشجر......وأحب أخش عقـول ناس جاهـل تفكيرهــا
12.
وأحب أحول روحي لنغمة على رنة وتـر......وأداعـب إحسـاس ومشاعر كامنة وأثيرهـا
13.
وأحب أقلب بالصحائف والمراجع والســير......أشـوف نفسي وين قوتهـا و وين تقصيرهـا
14.
ودي أجرب للهدوء وللصخب حتى السحر......وأمـرر أفـكـاري لغيري ليـا حـلا تمريرهـا
15.
ودي أسـاهر للنجـوم وللثر ياء والقمـــر......والقـح أشجار النخيل ليا استوى توبيرهـا
16.
ودي أجرب ضحكةالفرحة وحسرات القهر......ودي أصورها لغيـري بشكلهــا وتدويرهـا
17.
ودي أجرب لذة النومة بعد طول السهر......وأشـتاق للغرفـة اللي مستوي سريرهـــا
18.
وليا طرا لي طارئ دقيت بيميني النحـر......ما همني حجـم الأمـور و قلهـا و كثيرها
19.
أنا غرامي بالتجـارب والمواقــف والعبـــر......أنا مصيري بالسـفر مرهـون مع مصيرها
20.
اقـرأ وأشـاهد وأتـدبر ثم لي وجهـة نظــر......أنــا علي أجتهـد واللــه عليـه تيسيرهــا
21.
أسعى لتحقيق الحلم أداعب أحلام البشر......وأعرف خفايـا فكرهم إيمانهــا وتكفيرهــا
22.
أرسم مناظـر للحدائق والمتـاحف والزهـر......وأسمع معاناة الشعوب ورأيها بأميرهــا
23.
وأشاهد رسوم الزمن بوجه شيخ قد كبـر......أقارن بوجه ربيعي حبّ الشباب يضيرها
24.
وأشاهد قصـور الثـراء لآلـي مثل الــدرر......ودمعة حزن في عين ثكلى خانها عشيرها
25.
أطبع بعقلي من المناظر المشاهد والصور......أخـذ جميلات المعـاني وأحتقـر حقيرهــا
26.
أعيش ما بين البشر وكأنني غيث المطـر......أطهـر ألأفكـار من هـمّ الليالـي وكيرهــا
27.
وليا طـرأ لي سـفرة فوجهتي هي مصـر......فيها يديّ تنطلق من قيدهـا لتحريرهــا
28.
فيها عيوني بالحضـارة والنضارة تنبهر......فيهـا تـراث للعصـور الماضيـات ينيرهـا
29.
فهذه الدنيا تراهـا للعمـر لحظـة ممــر......نتبع هوانـا والأماني يقتـرب تدميرهـا
30.
وليا وصلنا للنهايـة فالقبر أدهى وأمــر......وكل نفـس تنرهـن بأفعالهـا وتكبيـــرها
31.
والآخـرة هي حيـــاةٌ للخـلائق والمقـــــر......وأما بجنـة خلـد وإلا في لظـى سـعيرهــا

[الهيـــــزع]

صح السانك يابن نجم وعلى شانك

[زيد الرايز]

ابن نجم ... صح لسانك

قصيدة رائعه بيض الله وجهك

[مخلف الهقاوي]

صح لسانك يابن نجم وبيض الله وجهك

[*النجـــــم*]

~*¤ô§ô¤*~*¤ô§ô¤*~۞لكَـِِّـِِّـِِّمً مًنْيَ كَل شًِْكَرٌٍ وٍتُِِّْقٌٍدًٍيَرٌٍ عًٍلى آلثٍْنْآء آلجًِْمًيَل۞

۞تُِِّْحٍّيَـِِّـِِّـِِّـِِّـِِّـِِّـِِّـِِّـِِّـّ ِِـِِّـِِّـِِّـِِّـِِّـِِّـِِّـِِّـِِّـِِّـِِّـِِّ ـِِّـِِّـِِّـِِّـِِّـِِّـِِّـِِّـِِّـِِّـِِّـِِّـّ ِِـِِّـِِّـِِّـِِّـِِّـِِّـِِّـِِّـِِّـِِّـِِّـِِّ ـِِّـِِّـِِّـِِّـِِّـِِّـِِّـِِّـِِّآتُِِّْيَ۞ ~*¤ô§ô¤*~*¤ô§ô¤*~

[الذيبان]

[mn7ot1]يعطيك الف عافيه [/mn7ot1]