احــد شعراء الكراشمه المعاصرين.......

[ابن كرشــــم]

اسمحولي ان انقل لكم هذه القصيده وهي لاحد شعراء الكراشمه المعاصرين وهو مساعد بن مناحي البيان الكرشمي :
{ ( ثلاثين ليلـــــــــــــــــــــله)}
الهاجـس اللـي لـه ثلاثيـن .. ليلـه
ما صافـح ايديـن الفكـر والاحاسيـس
واليوم .. يقنـب لـي بـراس الطويلـه
صحى عيوني عقـب ماهـن مناعيـس
والنـوم مـن جفنـي ينفّـض شليـلـه
ثم ّ .. ثارت هموم ٍبصدري .. محابيـس
وليـا كتبـت البيـت .. خابـر حصيلـه
ماهو مجرد حشو .. نزغـة هواجيـس
اخـرم علـى شعـر ٍ بيوتـه ثقيـلـه
يوم ٍ بعض .. البعض ! .. شعره قراطيس
لو قيل .. كيف الشعر .. باقول .. هيلـه
والشاعر اللي يعرف القيـس .. ويقيـس
هو صـح ّ مايرفـع .. خشـوم ٍ ذليلـه
لكن ّ في هالوقـت يغنـي .. ملافيـس
تـال الزمـن قـوّى زنـود ٍ هزيـلـه
يا طووول طابور .. الهمل والملاحيـس
المـدح فالـرديـان.. أكـبـر رذيـلـه
واكبر دجل ّ ..واكبر .. مذمّه .. وتدليس
المـدح فالطيـب .. سـنـام القبيـلـه
له في سما الافعال .. شمس وفوانيـس
وانا احمـد الله .. بحـول ربـي وحيلـه
يبقى قصيدي مـن صـدوق الاحاسيـس
جربـت انـا الايـام مـاهـي قليـلـه
الرجل له تاريخ .. وايضا .. تضاريـس
الغايـه اكبـر مـن طمـوح الوسيلـه
من بعدها .. ودوربها لـي .. مقاويـس
والرجل لو يسرج على الحلـم .. خيلـه
لابد ما يرخي له ( السيـف والكيـس )
وان كان مال للرجـل .. كـف ٍ جزيلـه
يرتاح في حضـن الخنـا .. والدنافيـس
والمرجله ( وسـم ) الرجـال الشكيلـه
على رقاب الطيب .. ماهي على العيـس
وان مالت الدنيا .. على الرجل .. ميلـه
يفقـه تجاريـب الـعـرب بالتـداريـس
ولا ّ انثبـر يجـذبـه دفــوة خليـلـه
ويقنع بدوره بـس .. خلـف الكواليـس

ارجو انها تحوز على اعجابكم

[ابوبجاد الرويس]

مشكور اخوي بان كرشم

والله يعطيك العافيه

وصح لسان الشاعر ,, ويعطيك العافيه على النقل

[ابن كرشــــم]

ماسويت شي يالغالي ومشكور على مرورك