ذبحني غـدرهـا ...

[محمد الروقي]

اسعد الله اوقاتكم بكل خيرٍ ومسره ..

بعد طول الغياب عن هذا القسم الراائع ..

اسمحو لهذه المتواضعه بالمرور ..

غابت عن عيوني واثرها هي سعادة دنيتي=يالعنبوها دنيتي عجـزت اجـاري غدرهـا
ماكنت اعرف ان الفراق يشيل مني ضحكتي=يابسمتي ضعتي وانا هالحين فاقـد ثغرهـا
ياونتي وانا ماعرف الهـا سبـب ياونتـي=هي ودعتنـي ولا للحينـه ينـادي نبرهـا
واللي يجيني قام ينشد عن سبايـب علتـي=قالو المريض اليوم خطره حالته ياخطرها
هي دنيتي هي بسمتي هي علتي هي مهجتي=فديت والله خصرهـا فديـت والله عمرهـا
وان كان تبغون الزياده هي تراهـا أمّتـي=اعيش فيها كلها فـي برهـا فـي بحرهـا
حلفت في قلبـي وعزتهـا يبويـه عزتـي=وحلفت ماحد يمسها لو خصلتن من شعرها
من بعدها ماحدن بفاهمني ويعـرف جرتـي=احسها كانت تبادلنـي الفكـر فـي فكرهـا
من لد عينه في عيوني راح يكشف عبرتي=انا الوحيد اللي تراني كنت عـارف قدرهـا
مبطي متغطرس واحلف بربي ماتنزل دمعتي =فارس وشاعر والعدا مني يامقوا قهرها
والحين دمعاتي تراودني في صيف وفي شتي=توني دريت ان الهوى يذبح ملوك بكبرها
يالله تفرجها عسى ترجع لدنياي اللتي=خلت ليالي الدهر نشرب مرها في سهرها
طول العمر صابر على الدنيا مدمدم عزرتي=صبرت لين الصبر مل و مل حتى صبرهـا
باقي امل بيد الله انه ترجع اليـه بسمتـي=وان كان ماعادت ترى الدنيا ذبحني غدرها

وسلامة قلووبكم

[أبو نجر النفيعي]

..

باقي امل بيد الله انه ترجع اليـه بسمتـي
وان كان ماعادت ترى الدنيا ذبحني غدرهـا



صح لسااانك يا محمد .. شاعر متفوّق بالشعر كلاحالتيه

قصيدةٍ جزله من راس جزل .. وبيض الله وجههك ..

ولاهنت يابو حميد ...

.

اخوك

التوقيع

.....

[ابوبجاد الرويس]

مشكوووووووور اخوي محمد

والله يعطيك العااافيه

وصح لسان الشااااعر محمد

[محمد الروقي]

ابو نجر النفيعي ..



صح كلك ولاهنت على حضوورك ..




دمت بــود

[السميــــــري]

..

ماشاء الله !!

الابداع هناا .. أقصد محمد هناا ..

حيه وحي ماجابه ..

قصيدة أعتبرهاا من شوامخ الشعر وأعذبه ..

بيض الله وجهكـــ عليهاا ..

وصح لسانك ..

رائعة رائعة ..

[مخلف الهقاوي]

يامرحبا يامحمد..يامرحبا يالابداع..

لله درّك يامبدع..بيض الله وجهك

وصح لسانكـــــ وسلم بنانك