معاني كلمات عند العامية

[^^العصيمي^^]

مساكم الله بالخير يالربع

هذي موجز بسيط على معاني

الكلمات اللي تصير بالشارع

واللي يتكلمون فيها ورعننا

<<<قصده السعوديه

ههههههههههههههههههههههههههههه




كلمات عاميه....معاننيها

الدلخ : وهذاا إنسان غبي جداااا ، ويرفع الضغط .... وينرفز .
المنسم : كل ما مريت عليه تسمع صونت سسسسسسسسسس وذلك راجع إلى تهريب الهواء من راسه والسبب في ذلك هو أن في راسه فتق لذلك تلقاه دايم يغطس راسه في سطل موية عشان يعرف من وين التنسيم .

المهوي : هو مرحلة متاخرة من التنسيم والمهوي وصل لمرحلة متاخرة جدا بحيث يفقد اهله الرجاء منه ...........

السلنتح : قليل الأدب .

جحلط ( بتشديد اللام ) : وهم مرحلة متقدمة للسلنتح .

مزّلب : يعني بايعها بتراب !

مسفّح : يعني طاير في العجّة وهو ماعنده ماعند جدة جدتي ، يعني بالعربي الفصيح من جنب العارضة .

الصتيمة : وهو الشخص اللي ماعنده ماعند جدة جدتي ...!! ويصدق أي شئ يقال له .

المسبة أو المسبوة : هو الشخص اللي يكون مروع في صغره لدرجة أنه يصبح شبه فاقد للعقل .

الفاهي : هذا الله يخلف مهما تقول له أو تصارخ عليه تلقاه فاح فمه وبس وإذا كلف عمره وتفاعل معك رد عليك وقالك : هه .

الحقنة : هو الشخص الغثيث اللي مايفكك لين تعطيه اللي يبيه منك ومهما تسوي له عشان تصرفه عن الموضوع حقه ينشب في حلقك لين يأخذ منك اللي يبيه ، وهذا يفسر قول العرب .. أغث من حقنه .

العلة : هذا اللي ماتاخذ انت منه اي شئ ولا عنده استعداد انه يسمع منك مهما حاولت وهو كالمرض يعلك لين تنفقع مرارتك منه .

العربجي : يظن معظم الناس ان العربجي هو الشخص الشديد حق المشاكل واللي ما يمشي الا وهو مشخص ببنت البكار ( اسم لطريقة لبس الشماغ عند العرابجة ) وحاط مفاتيحة في سلسلة ولا بس نعال سجادية ويسحبها تسحيب لين داء يمشي ودايم فاتح صدره ورازه على فوق وكانك ولد ابوك قله شئ بس . لكن في الاونه الاخيرة ظهرت اشاعات تقول بان العربجي هو اللي يسوق الحمار (الله يعزكم) لكن صرح مصدر موثوق من عائلة العرابجة بان هذه إشاعة مغرضة اطلقها عليهم احد الخكاريا .

المرجوج :هذا ماعمره سوى شي صح في حياته مايمديك تفتح فمك الا وطار في العجة بدون مايفهم وش السالفة ، والارتجاج الحاصل له يختلف تماما عن مشكلة المسبة أو المسبوة حيث يكون الارتجاج هنا نتيجة صدمة وليس نتيجة روعة ..

المطفوق : من فصيلة المرجوج ... الا ان مايميزه هو انه اذا مر من عند كاس او جيك او ابريق او اي شئ فيه سائل لازم يكبه ( اي يسكبه ) برجله وهو مايدري ،، ولا تخليه يمر بجنبك وانت معك صينية فيها بيالات لانه لازم يطخها بيده او بكتفه ..!! ايضا لاتخليه يصب قهوة لضيوف لانه لازم يكب القهوة على ثوب واحد منهم ...!!!

السربوت : هذا اللي ما يخلي مكان مايروح وقد كان الاولين يطلقون لقب السربوت على من يشرب الدخان لكن الحين الله يخلف الناس تدخن بيديها ورجليها ولحد يقول لهم شئ .

السمرمدي : وهو من نفس فصيلة السربوت ، ولكن على نطاق اوسع .

الداشر : هذا قليل الأدب ولا يحب يماشي الا السرابيت ، واذا قيل فلان دشّر فلان أي خرب أخلاقه لكن في الأردن الشقيق كلمة دشره تعني اتركه .

الملكع : اما هذا فيعرف حتى السكن (اي الجن= العفاريت ماهو الجن الثاني حق الدشير والسرابيت والسمرمد) ومقطع السمكة وذيلها ومهما تحاول تلف وتدور معه تراه فاهم وعارف وش تبي بالضبط فلا تتعب نفسك .

زعّيط : من زعط يزعط زعطاً .. اللي يسوي نفسه يفهم في كل شئ وهو من جنب العارضه .

المصرقع : هو كل شخص مايهمه شئ واللي يطري على باله بيسويه لانه ماخذ الدعوة سعة صدر وهبال ..

المفلت : هو كل شخص ماتقدر انك تامنه على شئ لانه مهوب تكانة ويتميز بكل انواع الاهمال والتطنيش .

الخكري .. ببساطه الخكري = نعومة + دلع + ليونة والله لايبلانا ....؟؟

المياس : نفس مواصفات الخكري بس بدون ....؟؟

اللزقة : هذا شخص على طول معك وقدامك ووراك وكل شي وتطلع مع الباب تلقاه تركب في السياة تلقاه يطق القزازة عليك وعلى ها الحال لين يوم القيامة .

الصديع : اي كلمة في راسة يطلعها ولا يتنباء بافعاله سواء كانت صح ام خطأ.

الجنط : من قصيلت الدلخ .

المريوح : هذا اللي نفسه شينه .

السبيكة : هذا اللي تحس انه فيه شي ناقص في مخه .. يعني محترق واحد من فيوزات مخه يعني ماشي بالبركة ..

المسرع : وهو الشخص اللي ينط في كل شي .. ماهو لقافة بس عجله وسرعة وفزعة ماهي على سنع ولا عنده صبرابد ويبي يسوي كل شي بسرعة .