جابر هايف (( منصور )) حزين (( شيله ))

[نواف البرقاوي]

بسم الله الرحمن الرحيم


يالربع الشاعر الكبير / جابر هايف العتيبي

صار راعي (( شيلات ))


فأليكم قصيدته الجديده وهي رثاء

وهي قصيده (( قمه في الحزن ))


بعنوان

(( منصور ))

للأستماع

http://www.algsed.com/algsed/MNSOOR.mp3


للجوال
http://www.algsed.com/algsed/MNSOOR.rm


القصيده كتابيه

لاتدفنون الشيخ منصـور ماجيـت
خلوه لين أحـب خشمـه وجبينـه
له قدر عندي ذايع الطيب والصيت
الطاهـر الوافـي لربعـه وديـنـه
الصاحب اللي كل ماضقـت دقيـت
أشكي عليـه الضيقـه ولا الغبينـه
وكان أيتبسـم كـل مابـه تلاقيـت
ويضمني ضمة غـلا فـي يدينـه
أخوي وشيخي في ديـاره تربيـت
قبـل السنيـن أتحدنـا للمديـنـه
كنت الطفل وإن شفت منصور فزيت
وأقول ياليت أنا منصـور وزينـه
زين الفعل والشكل لو بـه تماليـت
كل الخصـال الطيبـه لـه قرينـه
ويوم ٍ كبرت مع القطامي تخاويـت
مافيـه كبـر وكلـنـا عارفيـنـه
ياما قطعنا كـل صحصـح وغنيـت
وهو معي ماينشـد الـدرب وينـه
وياما معه شبيت ناري وتقهويـت
مـن بننـا اللـي تونـا حامسينـه
والحين راح وأنا حي ٍ وهو ميـت
ياليتنـي معـه ومعـي دافنيـنـه
أو ليتني أصقه ولالموتـه أوحيـت
أومثـل مجنـون ٍ نسـى والدينـه
يمكن عذابي خف ولاصحت أونيـت
أون مثل اللي عمى الموس عينـه
ياشيخ رحت ولو تأذيـت ماأذيـت
تبكي عليـك المرجلـه والسمينـه
ويبكيك نجد ويشهق أرطاوي حليت
والضلـع يبكـي والذيابـه حزينـه
ويبكيك غيم ٍ مـن رذاذه توضيـت
ويبكيك ورد الأرض مـع ياسمينـه
ويبكيك مسجد فيه أميـت وصليـت
ويبكي عليك الطيب مـع كاسبينـه
ويبكيك دلو البير وكل نخله أسقيت
وأبكيك أنا والناس في حال شينـه
ويبكيك ذود ٍ مابرك مـن توفيـت
ويبكي عليك القبر وينـوح طينـه
يالله ياللـي بأمـرك نحـج للبيـت
يالواحـد اللـي كلـنـا عابديـنـه
تغفـر لعبـدك يـاإلـه ٍ تعلـيـت
منصـور أبـن وديـد يالله تعينـه
الله يرحم ذايـع الطيـب والصيـت
آميـن قولـوا قولـي ياسامعينـه




ولكم تحياتي

[مانع العتيبي$]

نواف البرقاوي

مشكور على الشيله الرائعه

والله ماشاءالله ياجابر طلع حق شيلات من جد

صوته جميل ورائع وينه من زمان ماسمعنا شيلات

والله يرحم الشيخ منصور ويغفرله

[روح جاي]

الله يرحم الشيخ منصور

الشاعر جابر بن هايف من احسن الشعار في النظم ان لم يكن اميزهم كل قصيده جديده يكتبها تتميز عن جميع قصايد الشعراء الاخرين وتكون مطلوبه لدى جمهور الشعر.

يعطيك العافيه على القصيده يالبرقاوي

[النخيــــــش]

صح السان


ابو هايف


ومشكور على القصيده

يعطيك العافيه

[/عبد العزيز الجذع/]

الله يرحم الشيخ..



والموضوع مكرر...

[ابن هضلا]

الله يرحم الشيخ منصور ويجعل مسكنه الجنه

يعطيك العافيه على القصيده

[نواف البرقاوي]

مانع العتيبي

روح جاي

النخيش

/عبدالعزيز الجذع/

ابن هضلا


شاكر لكم مروركم



والله يرحم الشيخ منصور بن وديد ويسكنه فسيح جناته

[عمر الدغيلبي]

لاهنت يا نواف

مرثية مؤثرة وحزينة جدا جدا


كل الشكر يا ذيبان

التوقيع

في منتدى الهيلا زحول الرياجيل = بيت القبيله و النشاما إرواقه يزينه حرصه لزين التماثيل = ويجمله نبذ العلوم الدقاقه

[محب الهيلا]

صح لسان الشاعر

مشكور وماقصرت

[الهــــواوي]

الله يرحم الشيح منصور

وصح لسان الشاعر الكبير جابر هايف

وبيض الله وجهك على الموضوع