شد العتيبي مكـرم الجـار والضيـف

[ابن مشيب]

بسم الله الرحمن الرحيم

هذه قصه وابيات , كتبها الشاعر / عبدالله بن شايع القحطاني , في منتديات مشاهير العرب , واليكم ماكتب بالنص:




بسم الله والصلاة والسلام على رسول الله
إخواني وأخواتي أعضاء مشاهير الشامخ وزواره الكرام
السلام عليكم ورحمة الله وبركاته
في مصافحتي الأولى لكم هذه الابيات المتواضعه أمل أن تنال رضاكم لها قصه .
كان لي جار عتيبي رجل بكل ماتعنيه الكلمه الدين والخلق وحق الجار والكرم
وسلوم العرب كلها مجتمعه فيه وبقينا اربع سنوات وحدث ان نقل الى خارج
الرياض وشد من عندي .وجا مكانه صومالي والحقيقه فقدت جاري ولم يعجبني
الصومالي وقلت هذه الابيات .

شـد العتيبـي جعلهـا لـه سهيلـه=شد العتيبي مكـرم الجـار والضيـف
يـا وجـد حالـي يـوم قفـا شليلـه=وأنا على جـاري كثيـر التحاسيـف
واين أغـدي للـي علومـه مهيلـه=بالمدح والنامـوس مالـه تواصيـف
عينـه علـى درب المراجـل دليلـه=مثل النداوي فـوق روس المشاريـف
مـعَ هـل الطـالات جـزلٍ حصيلـه=على الكرم والجود والطيـب والكيـف
أربـع سنيـنٍ كنّهـا وقــمْ ليـلـه=في جيرة الطيّـب معـزّه وتشريـف
تبنـا لـه البيضـا بـراس الطويلـه=شوق الهنوف ام القـرون المراديـف
والله ونعـم بـه ونـعـم القبيـلـه=عتبان معْروفين أهل منسـف وسيـف
عكـف الشـوارب كاسبيـن النفيلـه=مثل الغصون اللـي ثمرهـا مدانيـف
واشيـب عينـي مايعـوّض بديـلـه=أصبحت مثـل مبـدّل العـز بالحيـف
الجـار صومالـي ولا فيـه حيـلـه=لا يعّـرف الجيـره ولا لـه مواقيـف
صكـاك بـاب ولاّ يفـوت الحليـلـه=وان سمع صوت منادي الجار ما شيف
وليا عزمّتـه يتّقـي مـا يجـي لـه=يستغرب الجمْعـه كثيـر التصانيـف
لاصـار هاجرنـا فحـنْ نعتنـي لـه=سنّه وسلم وحـق مـا فيـه تكليـف
نحْفض لـه الجيـره سنيـنٍ طويلـه=حتـى لونّـه مايعـرف المعـاريـف

الشاعر/ عبدالله بن شايع القحطاني