مــــصـــافــحــه أولــى مــع الــتــحــيـــه

[حزام العصيمي]

مساكم الله بالخير


وكم يسعدني المشاركه في هذا الصرح الشامخ خصوصاً وإنه يحمل أسم القبيله ومنتدى القبيله ويشرفني المشاركه معكم يابني عمي وأحيي كل أبناء القبائل المتواجدين في منتدى الهيلا

وإليكم مشاركتي الأولى وهي أبيات حباً للمشاركه فقط

أتمنى ترتقي لذائقتكم

مانيب من يفرض على الناس روحـه=ابقى لحالـي بـس ماهيـن روحـي
ولاني بمن يشكـي لغيـره جروحـه=لو كان من دنياي تنـزف جروحـي
اشرب بحر لو في شرابـه ملوحـه=ولا اشرب قراحن من يدين الشحوحي
يوم الـردي بالـذل يبنـي طموحـه=أنـا بنيـت بكـل عـزّه طمـوحـي
ويوم الردي للعيب تقصـر شبوحـه=أنا ورى الطالـه طوالـن شبوحـي
لـي نضرتـاً ماغيرهـا والسموحـه=قمة جبـل شامـخ وبرقـاً يلوحـي

ودمتم سالمين

آخر تعديل حزام العصيمي يوم 03-Jun-2007 في 03:30 PM.