طرق الجربعة

[ولد الشيب]

من أهم الشروط في الجربعه ما يلي :-


1- أن يكون السواق متمرس على الطردي وان يكون نظره قوي بحيث ان الجربوع ما يفلت منه للبته طبعاً نفس الوضع لمساعد السواق لازم يكون مفتح عيونه ,,

2- أن يجيد المجربع مسك طرف الثوب بفمه لأنه لو فك الثوب من فمه وهو مسرع عزتيله بيتكرفس ويطير الجربوع من يده أو انك تربط ثوبك زين على وسطك بس اهم شي لا تجربع وانت مجنتل

3- أن يكون المجربع غشيم يعني حط الجربوع نصب أعينك ولا يمنعك أي شي عنه حتى لو توطيت خويك

4- أن يكون هناك تنافس بين المجربعين يعني الطيب من يطرح أكبر عدد من الجرابيع

5- إذا أصبح المجربع في نزال خاص مع الجربوع أي سنّد الجربوع وسنّد معه المجربع على الباقين أن يتحلوا بالروح الرياضيه ويتركوا زميلهم وإذا غلبه الجربوع يعاقب المجربع وذالك بأن يحرم نوبتين ما يطرد



والطريقة المثلى لمسك الجربوع من أقصر الطرق هي كالتالي : -

المرحلة الأولى : هذه المرحله تعتمد على السواق يعني اذا شاف الجربوع يلحقه لين يحطه على نور السيارة ثم يولع ويطفي يولع ويطفي .. طبعاً بعدها الجربوع بيوقف فجأه لأنه انعمى وما عاد يشوف ,,
المرحلة الثانية : اللي عليهم النوبه يفزون ويطمرون من الصندوق طبعاً كل واحد معه جريد نخل ,, واحد يجي على طرف النور من يمين والثاني من يسار ,,

المرحلة الثالثه : عندما يحس الجربوع أن هناك من يحاول الاقتراب منه سيطلق ساقيه للريح ويولي بالفرار وعندها تبدأ المهمة الصعبه وعلى السواق في هذه المرحله الإنتباه للمجربعين لأنه وقتها يمكن ما يشوف الجربوع ويعتمد على تحركاتهم ,,



نقطة أخيرة ,, رحلة الجربعة لازم يكون فيها من يسمونه ( فاكهة الطلعه ) وهو إما أن يكون دب وإما أن يكون ما يعرف وشهو الجربوع ,,
ولابد من وجود بعض انواع النذاله
ان كنت السواق والشباب يطردون الجرابيع طبعا في غدراء اي دلقس ماتشوف الا على النور
والمكان كله شجر سمر + حشره وانت متفاعل مع الطرد النذاله هي اطفاء الا نوار
على اخوياك فتره قليله بعدين شف اشكالهم
اللي ناشب في اشجره ولي جالس مايدري وش يسوي والله من جد سوها او شوفو.
وسلامتكم

[بندر الحافي]

مشككككككككككككور

اخووي

جهد مبذول مـنـك

عزيزي ولد الشايب

دائما اجد في مواضيعك الطرافة والونااسة


مـلاحـظـة قـلـة الـردود لا تعني تهميش دور الكاتب

التوقيع

[الآد غابي]

اخوي ليه ماتقنص بالسلق وترتاح

[ابوبجاد الرويس]

مشكور

ولاهنت يا ولد الشيب