.....................(( صدرٍ كضيم ))

[ماجد بن سليمان]

.....................(( صدرٍ كضيم ))
تلْ قلبي كل ما هَبْ النسيم
.......................تلْ مجذوب الرشا دلوٍ تلاه

ليت لي في عشقها صدرٍ كضيم
.................كان أداري وصفها وأنسى لضاه

كحلها غدر الليال أسود بهيم
.....................ولونها مثل العسل يبري شذاه

وفَمَّها جدول قراح المستهيم
....................وصوتها مثل الدفا يغري صِداه

ونَهْدَها مثل الثمر قبل الصريم
....................وصدرها صبح الغرام لقلب تاه

وشعرها لا هَلّته فَزّة كريم
...............وجسمها مصبوب ما اشبعني صِباه

والهوى مبطي على جاله مْقيم
.....................مير تَوّهني الضما بقلْة عَطَاه

.............................شِـعر: ماجد بن سليمان.

[ابوبجاد الرويس]

مشكور يا ماجد على القصيدة الرائعه ولاهنت

وصح لسانكـ يالذيب