تكفون يالعتبان كسابت الطيب ,,, تكفون يالعتبان ساس الرجوله,,

[عقاب الحويماني]

السلام عليكم ورحمة الله وبركاته

أول شي فأنا لست بشاعر ,,, لكن على ماقالو يجي مني ,, والمواقف أحيانا" تجبر الواحد على الشعر

والبارح قبل بداية حلقة شاعر المليون سير علي واحد من الزملاء وهو من قبيله أخرى وكنا في المجلس والتلفزيون

شغال وعلى الوا

حه وكنت أقهوي الرجال الي يوم إتصل علي واحد من إخواني يسألني صوت ليوسف والا لا ,,,

قلت نعم صوت ويستاهل يوسف ,, المهم بعد مانتهيت من المكالمه سألني الضيف قال صحيح تصوت ليوسف

قلت نعم قال يوسف فشلته اللجنه والظاهر إنه يبي يطلع ,, قلت أنا بقوم بلي أقدر عليه بصوت أذا استمر شي طيب

وان طلع الشكوى لله ,,, على ماقالو إن لقحت والا ماضرها الجمل ,, راح الرجال الي على بداية شاعر المليون في

قناة أبو ظبي ,, وطلع الحبابي ويوسف ماطلع وكتبت بعض الابيات وارسلتها لرجال واليكم الابيات وعذرونا

وفكونا من الانتقادات وانا ترى داخل على الله ثم على أبو نجر منكم والابيات تقول

يالعنبو راس(ن) مايشوش ياسعود_____ ____ ____ __ ياقف وقوف جمال وحمله يشيله

ولد عتيبه يوسف اليوم موجود _________ _ ______ رجحة موازينه وزادت حصيله

هذي ترى ماهي غريبه يامنبع الجود ___ ___ ________ اهل الكرم والطيب وفعولن جزيله

ربعي عتيبه تكسب الطيب بشهود ___ ____ __ ________ نعم الفخر ونعمن بهاك القبيله,,,


وسلا متكم ,,,,,

وهذي قصيده قبل فتره وهي نخوه للعتبان

تكفون يالعتبان كسابت الطيب ___ ____ ____ تكفون يالعتبان ساس الرجوله

تكفون يالعتبان ستر الرعابيب ___ _______ __ تكفون يالعتبان في كل جوله

تكفون يالعتبان دمعي سواكيب ___ ___ __ ____ ولد الردي يشعب علينا ذلوله

يوسف ولد عاصم عطيب المضاريب ____ ___ __ يصيح بعلى صوت ثقلت حموله,,,



وسلامتكم,,, نعم للتصويت لاخر لحظه,,,, يد" بيد ,,,,



تحياتي / عقاب الحويماني

[راعي النيسان]

صح لسانك اخوي على قصائدك

وكفوووو والله

يوسف رفع روس العتبان باسلوبه وبشعره

وانتم رفعتوا راس يوسف فوق

والله يعطيك العافيه

[عقاب الحويماني]

لاهنت ياراع النيسان

واشكرك على المرور العطر وتقبل تحيتي




أخوك / عقاب الحويماني

[فارس @عتيبه]

صح لسانك

هذا ونت منت بشاعر

بس تبي الحقيقه مافيك حيله وفالك المليون

[عقاب الحويماني]

أخوي / فارس عتيبه

أشكرك على الاشاده و المرور ولاهنت

وها الابيات ماجي الا بالغصيبه

ومليوني والله مرورك لاعدمناك


تحياتي / عقاب الحويماني

[الروسان فرسان]

صح لسانك قصيدده طيبه وجزيله ومن جد اذا هاذي بداياتك قسم بعد خمس سنين تطلع فحل من فحول الشعر


واصل بدايتك طيبه وشعرك حلو يهيء انك تكون شاعر كفو والهل


وواصلو التصويت دبل الدبلات ياجماعه

[عقاب الحويماني]

الروسان فرسان


ياهلا يالغالي الدعوى تشجيع ليوسف ,, مانبي فحوله فالشعر الاخوان يكفون ,,, نبي التصويت ليوسف وهذا المقصود


ولاهنت على المرور ,,, والمديح وبيض الله وجهك,,,



تحياتي / عقاب الحويماني