الهجوم الكاسح والأخير ((تكفون)).

[بن عاصم2007]

بحكم ان هذي أول مشاركة لي ،، في البداية أحب أسلم على خشم كل عتيبي بهالمنتدى ويعطيهم العافية على جهودهم وفزعتهم لولد عمهم يوسف ،، وحبة خشم للي وقفوا معنا من غير عتيبة.

يمكن أنتم سمعتوا قبلي الاشاعات اللي تقول ان يوسف متصدر التصويت إلى الآن ،، وطبعاً نحن نتمنى ذلك ولكن الخوف كل الخوف ان الإشاعة هذي هدفها تشجيع القبائل الثانية للتصويت لشعارهم وفي المقابل تراخينا نحن عن التصويت ليوسف بحكم اننا ضمنا المركز الأول (هذا طبعاً إذا كانت الإشاعة صحيحة) ،، والدليل على أن الهدف من نشر الخبر هذا هو زيادة تصويت الأطراف الآخرى هو نشر الخبر في منتديات وبين أفراد القبائل المنافسة لنا.

ولكن ،، نبيها صدمة في وجيههم ونبيها هجوم كاسح ((تكفون ياربعي)) ،، نبي نقلب السحر على الساحر ،، ونقلب الموازين عليهم مثل ماقال يوسف البارح ،، نبي نهجم عليهم اليوم بعد صلاة العصر هجوم كاسح ،، نبي نصوت ((دبل دبل)) اللي صوتناه في الأيام الماضية ،، ترى الوصول للقمة سهل والمحافظة عليها صعب ،، نبي نعلمهم ليش القبائل الثانية تنومس بفزعتنا ونخوتنا واننا قدها وقدود.

نقطة مهمة:
إذا إن شاء الله تصدر يوسف التصويت وكان الفارق بسيط بينه وبين منافسيه ،، هذا يفتح مجال للجنة بالتحكم في اسم الشاعر اللي يفوز باللقب ،، يمكن لا سمح الله يعطون يوسف درجة متدنية من الـ 25% الباقية ويعطون الباقين درجات أعلى حتى تفرق مع نسبة التصويت وتروح علينا ،، لكن إذا كان الفارق كبير جداً ،، فهذا يحرجهم ويفوّز يوسف غصب!!

الهمة الهمة ياربعنا ياعتيبة ***** القمة القمة نبي يوسف يجيبة

[فارس من الفريس]

والله انقاله الله وانا حي لصوت لخر دقيقه وانا شغال من الصبح واللي عقد روس الحبال يحلها

[سعود البرقاوي]

كلنا شغالين يعلم الله من البارح

التوقيع

انا مثل الحكومة وأمري منفذّ على الشعار ولي سلطة على الشعار والشعار خدّامي جارالله السواط للتواصل : nofi3e@hotmail.com

[متعب العصيمي]

الوصول للقمة سهل والمحافظة عليها صعب ،،
... بيض الله وجهك... والتصويت لاخر شي انشالله...

[ابوفهد العتيبي]

ابن عاصم

اضم صوتي لصوتك لا تهاون وعني ببدأ القصف المتواصل بعد الغداء في تمام الساعة الثانية والنصف حتى نهاية البرنامج

[فارس من الفريس]

والله من الساعه 7.30 الي الحين وانا ماريحت عشر دقايق مواصله ومايوقفا الا الرد وانشاء الله على الحال الي اخر دقيقه بالتصويت واشاء الله متواصله

تكفون كثفووووووووووووو دبلات تكفون

[فتى عسيله]

بيض الله وجهك

والتصويت مستمر ولا فيه مجال لتراخي

شدو من همتكم ياشباب

وكثفو التصويت

اليوم يومنا

[الدهاسي15]

((إذا إن شاء الله تصدر يوسف التصويت وكان الفارق بسيط بينه وبين منافسيه ،، هذا يفتح مجال للجنة بالتحكم في اسم الشاعر اللي يفوز باللقب ،، يمكن لا سمح الله يعطون يوسف درجة متدنية من الـ 25% الباقية ويعطون الباقين درجات أعلى حتى تفرق مع نسبة التصويت وتروح علينا ،، لكن إذا كان الفارق كبير جداً ،، فهذا يحرجهم ويفوّز يوسف غصب!!
الهمة الهمة ياربعنا ياعتيبة ***** القمة القمة نبي يوسف يجيبة))|194|