اقبل كفوفه لسلطان الجلاوي

السلام عليكم ورحمة الله وبركاته

اهدي لكم قصيده سلطان الجلاوي اقبل كفوفه صوتيه وكتابيه

كان يامنصور ابوك الصبح هـاوي=للمـراح ولا يـردنـه ظـروفـه
قله اني مع صلاة الصبـح نـاوي=اعطي الفكسار ليـن اكتـم بلوفـه
وان غدى للسير والمكـره تعـاوي=ما على المشوار والطرقه حسوفـه
مانقيّل غير فـي بيـت الجـلاوي=بيت عود ٍ ماتريـح ليـن اشوفـه
شوف ابويه مايجي لـي بالمنـاوي=شوف من يفرح ليا كثرو ضيوفـه
ودي اسلـمّ علـى الحـر النـداوي=واتعـذر منـه واقـبـل كفـوفـه
لي شهر وانا على شوفـه شفـاوي=بس وقتي ويش اسوي في صدوفـه
كل ماينحي بـي الوقـت النحـاوي=اتحـرى ساعـة ٍ فيهـا نكـوفـه
يم ابـوي ويـم مخلفـة الهقـاوي=البكار اللـي لهـن نفسـي شغوفـه
ماحـلا قدامهـن جـر الغـنـاوي=لاكثح بـرق الحيـا وارزم قنوفـه
ماقهرناهن علـى الـواد السنـاوي=فاول الوسمي وفي مقـدم صيوفـه
الربيع ادنـى المرابيـع الصـداوي=والعقوم اللي علـى الحـد معروفـه
وكان جا للصيف في الميثب حراوي=فالجنـوب اللـي مواريـده كلوفـه
قطفة الزملوق والعـود الطـراوي=شف ذود ٍ مانـرده عـن شفوفـه

رابط التحميل
http://up.9q9q.net/up/index.php?f=AC7vTrnnJ
واللي ماهي شغاله عنده يضيفني على الأيميل وانا ارسلها له
sahm_rooq_2007@hotmail.com
تقبلوا تحياتي
اخوكم سهم الروقه