قصيده أخت الشاعر بندر بن سرور ... هيا بنت سرور العتيبي(مميز**)

[ابن نجد]

وفي القصيدة تلوم صويمل وربما كان خادم لديهم ، لكنه غير نافع ولاجدوى منه كليا وأليكم القصيدة :

ياصويمل ماتمل من الدوادي
لوينادي الزول عندك ماتجيبه

ياصويمل جعل تاكلك الحنادي
تاكل التفاح وانته ماتجيبه

ياصويمل ماتمل من الجهادي
تتطحن في البيت واخلاقك غضيبه

في كفالة من يضدون المعادي
في حما آل سعود ربي معتنيبه

ماركبت الخيل ف ايام الطرادي
ولاضواك الليل في دار غريبه

ولاضواك الليل مكتوف الأيادي
ولاعوى سرحان وزنك ف الزريبه

ولاحضرت بمعركة نظم التوادي
في بهار بارز شره وطيبه

دون حلوات اللبن قرم يفادي
يعتزي باللي تحن وتنتخي به

في يداه مسلب يفر الفوادي
ابلج يمناه ماتخطي الضريبه

ولاركبت الجيش ولهن اجتلادي
والظمى والقيض حاديهن لهيبه

ولاكلت رجليك غزلان الشدادي
ولاكوتك الميركه فوق النجيبه

ولاتدلي بالقلص حبل الورادي
في قليب حايم طيره وذيبه

ولاطردت الصيد مع بيض الرهادي
ولارميت الظبي لين انك تصيبه

ولاتدن النجر رمز للمنادي
وسط بيت خاثر بنه وطيبه

ولاتقلط في الصحن كبر النوادي
كبش مصلاح تفرشبه عصيبه

وسط ربع كلهم ضد المعادي
بين خال وعم وعلوم عجيبه

ياصويمل ماحصل غير الدوادي
ماتسوي مثلها والكذب خيبه

وارجو ان تحوز القصيدة على اعجابكم ، ولاعجب من هيا فأخوها شاعر كبير رحمه الله .
-------------------------------------------------------------
زماننا غير زمانهم وحتى نتذكر الاولين
اخوكم ابن نجد

[عين بن فهيد]

الف شكر

[الحر الأشقر]

لا هنت يإبن نجد
وسلمت يديك، لكن هل أكيد أنها أخت بندر بن سرور
وبصراحة أول مرة أدري إن له اخت شاعرة
وبيض الله وجهك واختيار موفق......

[الأسـ طريف ـياح]

مشكور على موضوعك الرئع

والله لا يحرمنا من جديدك وابدعاتك



تقبل مروري يا ولد العم

[صعاط الجن]

بيض الله وجهك


يابــــــــــن نـــــــــــــجـــــــــــــــــــد

[ابن نجاء]

تسلم والله يابن نجد

على اختيار الطيب وصح لسانك وصح السان القايل

[شــغــمــوم]

يعطيك العاااااافيه