هذة نصيحة من والدي حفظة الله على لون المجالسي :
الأ ياالله يا والي الأمر = تيسر لي بفضلك كل أمر
أشوف الوقت بالسرعة يمر= تمر أيام وشهور وسنينا
ودار الأخرة دار المقر = عسانا نكتب من الفايزينا
في يوماً يجمع صغار وكبار = ويرتحلون من دار لدار
وفي دار القى جنه ونار = ويوم فية شيب المرضعينا
ما دام الدار هذي حالها = تروح وترحل بنزالها
وتلقى كل نفس اعمالها = ما يرغبها يكون الغافلينا
نحبك ليه يادار العنى = ومصيرك للزوال وللفنى
ويلقى كل عبداً ما جنى = أمر قدر ومكتوب علينا
لأكن اطلبك ياراع العطى = تغفر ما جنيته من خطى
بها الأقدام زلت والخطى = وتفرج كربنا دنيا ودينا
ياللي تقلون ما لا تعملون = حذاري بين خلقه تنشبون
عساكم من عذابة تسلمون = ولا تعصون رب العالمينا
ليا الأنذال كثروا فالبلاد = وذروا بالشر فيها والفساد
وراهم يوم من رب العباد = من اهواله يعضون اليدينا
دايم يألادمي خلك حذر =وراك الموت وسؤال القبر
خف من الله وخلك مقتطر = ترى بكرة وراك محاسبينا
وكم فالناس من ولدة حرام = ولو زكى ولو صلى وصام
ولو بلسانه يحلويلاالكلام = تراة اخطر من ابليس اللعينا
ترى فالناس حلوين ألسنه = وراع الشر لا تقرب منه
وخلك منتبه لا تامنه = قبل لا تصبح من النادمينا
وكم وافي على طول الدوام = لحيث ان الوفاء طبع الكرام
هذا اللي من رفيعين المقام = كفوا ومن الرجال الغانمينا
هذى ما يسر الله من علوم = وستر الله على خلقة يدوم
يعم عبادة افراد وعموم = واخص بها العباد الطيبينا
وسلامتكم
ابو سديم
« آخـــر الـــمـــشـــاركــــات »
12-Dec-2006, 01:22 AM
نصيحة على لون المجالسي غالي بن علي السيالي
العرض العادي
