[
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــ
يازين الجميحي لا سرى والعباد خفوت=يبي لازم متغانمه قبل لا يفوته
لا من انعس السالي وسجو هل البلوت=وقام يتمخلص تحت رجلك تقل حوته
يقوس مع الهويات كنه تشوته شوت=شات المضلي لا نزل في براشوته
حماره تحت نور القمر كنه الياقوت=يداوي القلوب اللي من الحزن منحوته
لا دقت هواجيس المعنى وجر الصوت= يعد النجوم المرقبه فوق كبوته
وخوت صديق مخلص معك حتى الموت= ماهوب يتسمع هرجةفيك مشموته
يداري على سمعتك من هرجة السربوت=وخطاياك عنده في داخل البحر مزفوته
يعرف الاللي يخطر بقلبك لاكان سكوت=والى من غنا ينجلي الهم من صوته
سعد بن جدلان
(2)
وجدودي يابو مشعل على وارد الطرطوس= ابو تنده بيضاء على شكل طرطوسه
ابي لا زهمته ليله يبعد الهاجوس=عن القلب لا يقضي على القلب هاجوسه
اليا زل ثلث الليل والصدر فيه حسوس=نهمته وقلبي كاثراتن به حسوسه
جديد الموديل وسايقه يكسب الناموس=اليا جاء مجاله يرفع الراس ناموسه
من امريكا جمس ماوردته الروس=على الفحص مايحتاج يكشف على روسه
اليا شل عزمه وانتهض والثنين نكوس=على شف بالي يوم الاثنين منكوسه
امد القدم للبنص وا نزت له بالدوس=يجيب اخر الطبلون وهو يدور الدوسه
يشكل سحاب بالسماء والنظر معكوس=واليا افتر افترن المرايات معكوسه
واكيف عليه اليا انحنى الخط مثل القوس=وانا كل خط منحني عارف قوسه
يعيش الخواجه حط للقير خمس تروس=اليا خمه السواق ماحنت تروسه
وعلى قول ابو سلطان قال الجموس جموس=هل الدور الاول ياطا الاخطار بجموسه
خطوطه على قطع الخرايم جدد ودروس=ولا يمشي الا وخطة الفكر مدروسه
وانا كن قلبي فوق جمر الغظا محموس=بمحمس نار تحته النار محموسه
محمد بن هويدي اليامي
(3)
قال ابن هادي قول والقول تعبير=ولا كل مايثر على الرجل قاله
ياهل الونيت اللي عيونه دواوير=افز له لو حيت حس اشتغاله
اليا مشى يكفخ كما كفخة الطير=ليتهم حطو طريقه لحاله
يضيق صدره اليا اعترض له سياير=يبغا طريق فيه يثبت مجاله
مكينته ماهيب مثل المواطير=جديد مخزن بشد الوكاله
مع طويل الخط يطوي المشاوير=ماهوب كايد له المثل لا زماله
سواقه اللي نصف راسه مغاتير=راع التجارب في زمان مضاله
قرم ولد قرم حريص على الخير=طيبه على عمه ومن ساس خاله
ماهوب خبل وهقوه المعاثير=لاركب فوق الجمس غرك خياله
يدوج في وسط البلد للغنادير=ويحط رجله لين يتلف حلاله
يوم يفحط به ويوم قطع سير=راحت مساييره عيوب وبذاله
الجمس صمم للوجيه المسافير=ياظالمين الجمس وين العداله
لاواحسايف يا عيال المناعير=اليامتى وانتم في وقت جهاله
(4)
راكب اللي مخ رجليه خنزير وهوا=اشهب في مقدمه بارقين وعكس تاج
متر في مترين مستبرم كله سوا=حايفه حطاب ماسمكره راع الكراج
ان نعشته بالثلاثه مع اللفه عوا=عوي ذيب محتدينه مربيه النعاج
ثابت مايختلف كل ما لف انزوا=ارتفع ثم ارتخى مثل طايره المراج
كن ضرب المرو فالويل قدام وورا=ضرب غملول البرد وان تقفاه العجاج
منوة اللي مشفق لاهله ولهم نوا=عقب طول المسافه يبي فلة حجاج
بندر بن سرور
« آخـــر الـــمـــشـــاركــــات »
29-Oct-2006, 02:54 PM
قـــــصايد في الجمس (الونيت ) 454
العرض العادي
