اجمل ماقيل في القهوه العربيه ( صور من اختياري)

[هلال الدوادمي]

السلام عليكم ورحمة الله وبركاته

موضوعي اليوم اخواني عن القهوه العربيه وما قيل عنها من اشعار

وقد جمعت لكم عدة ابيات من شعراء كبار ارجو ان تعجبكم



تقهو واسمع وش يقول

الامير راكان بن فلاح ال حثلين


يامحلا الفنجال مع سيحة البال=في مجلساً مافيه نفساً ثقيلـه

هذا ولدعمً وهذا ولـد خـال=وهذا رفيقـاً مالقينـا مثيلـه



ويقول الشاعر محمد بن عبدالعزيز القحطاني وهو يوصي ابنه


يابو محمد شب واقضب مكاني=في غيبتي قهو الرجال المشاكيل

وفل الحجاج لكل من جاك عاني=وابدا التحيه قبل سوق الفناجيل


ويقول شاعر من قبيلة مطير واسمه شليويح وهو يوصي ابنه نمر


امل الوجار وخلو الباب مفتوح=خوف المسير يستحي ماينادي
يانمر مافي صكة الباب مصلوح=ولاهي لهلكم يامظنـة فـؤادي

ويقول خلف بن هذال شاعر عتيبه


سوولي الكيف وارهو لي من الدله=البن الأشقر يداوي الراس فنجالـه

كيف لنا نحرقـه بالنـار وانزلـه=واليا انقطع لو ورى صنعاء عنيناله





ويقول الشاعر ابن خشم الذيب العجمي


اشرب الفنجال واكب البيالـه=طيباً واحـب سلـم الطيبينـي

الولد ان طاب طيبه من خواله=وان تردا فاعرف انهم خايبيني



ويقول الشاعر دغيم الظلماوي من قبيلة شمر


ياكليب شب النار ياكليب شبه=عليك شبه والحطب لك ايجابي

وعلي انا ياكليب هيله وحبـه=وعليك تقليط الدلال النجابـي




واحد الشعراء حين قال::

الدل اللي ماتبهر من الهيل=مثل العجوز اللي خبيث نسمها




وقصيدة غازي بن عون::

ياريف قلبي للمسايير قم شب=وحط المنارة في طويل الضلالي
وهي غنيه عن التعريف واعتذر لانة لا يسعني ذكرها




واتمنى ان تحوز على رضاكم واستحسانكم

ولكم شكري وتقديري
منقوووووووووول للاضاحه؟؟

[أبو مرحبا]

الله يعطيك العافيه على ذا الموضوع

اللي يبيين قيمة القهوه عند اهل الباديه قديما وحديثا


لاهنت طال عمرك

التوقيع

إن قلَّـت الوزنـه وربعـي مشافيـح ** أخلـي الوزنـه لربعـي واشـومـي

[هلال الدوادمي]

الله يعافيك وشااااكر لك على مرورك ياقحص
وشاكر لك على الرد طال عمرك
تحياتي وتقديري