أشوف مسلوب الحشا مرسلٍ لي

[عتيبي معاصر]

تقدم شاب لخطبة فتاة من أهلها ووافقوا عليه وقبلوا به زوجا لابنتهم إلا أن الفتاة ارسلت له تشترط عليه أن يخرج من بيت والدته كي يتم الزواج فرد عليها قائلا :

أشوف مسلوب الحشا مرسلٍ لي=رسالةٍ تجعلني أصخـي بفرقـاه
ان كان ما صيد الحبيّـب تغلـي=ما أقبلك يالمرسول لا أنت ولا اياه
أمي ايـا شافـت زولـي تهلـي=وألا الغضي لا شاف غيري تحلاه
ما أنسى سنينٍ ديدها سقمةٍ لـي=وأركب على المتنين وأقول يا ياه
دور السنة وبطنها حجـرةٍ لـي=البرد ما أشوفه والحر ما أدنـاه
أمي وأبوي ما لهم غيـر ظلـي=ومن دوّر الظل يا تـرف يلقـاه
الوالديـن لهـم بقلبـي محلـي=معروفهم طول الأيام مـا أنسـاه

سلامتكم

[تركي المسعودي]

وانت سالم ان شاء الله يسعدني باني اول شخص يرد عليك
بيض الله وجهك يالعتيبي وماقصرت على النقل الرائع
والوالدين يستاهلون اكثر ومهما سوينا لهم ماوفينا
ومشكور وماقصرت وجعلنا مانخلا ان شاء الله وموفق...

[عتيبي معاصر]

تركي المسعوودي

لاهنت على مرورك والرد امتميز ياتي من

العضوالمتميز ومرحبااا في الهيلا

اخوكـــــ:عتيبي معاصر

[فيصل المسعودي]

ونعم الولد


مشكور عتيبي معاصر


تقبل فائق شكري وإحترامي

[عتيبي معاصر]

فيصل المسعودي

اسعدني مرورك والله الولد ولد ارجال

ولك كل الاحترام والتقدير

[أبو نجر النفيعي]

عتيبي معاصر

لاهنت على النقل

وصح الساان شاعرها

وننتظر جديدك

التوقيع

.....

[عتيبي معاصر]

شاعرنا ابو نجر النفعي

اسعدني مرورك ولاهنت اخووي ولك وحشاه معاد

نشوووف ردودك

[على كيفك]

تسلم على القصيده

[عتيبي معاصر]

الله يسلمك على كيفك

ولاهنت مرحباااا بك في منتدى الهيلا

وننتظر جديد على كيفك