قصيدة زعلت بنات الخليج فرد عليها الشاعر طلال الرشيد

[سندباد الرياض]

قصيدة قيلت في مدح المغربيات وذم الخليجيات.. من شاعر في الحقيقة لا اعرفه.. ولكن رد عليها الشاعر المرحوم ( طلال الرشيد ) بابيات اعتقد انه لو قرأتها اي فتاة خليجية فستفخر بانها خليجية..

لن اطيل عليكم كثيرا واليكم الابيات :


القصيدة الاولى بعنوان ( الزين )



ياللي تنشد عن علوم الذي طاف
......................................... كل البحور وكل دوله وديره

خذ من علومي علم اوصافه اوصاف
......................................... جزل سمين يشتعل له سعيره

الزين عقب المغربيات ينعاف
........................................ غيد لهن بالزين ذكره وسيره

فيهن حلاً طاغي ولين بالاعطاف
....................................... وفيهن حنان يشعل القلب غيره

حلوات وصف وفاهمات بالاعراف
........................................ زينات منطق صافيات السريره

بنات قوم طيبهم غصب ينشاف
........................................ اولا مغرب في الليال العسيره

ياللي تنشد عن علومي بالانصاف
........................................ هرجي يكفي صامله عن كثيره

الزين في لميا وتغريد والطــاف
....................................... ماهوب في حصه وكشرة منيره




========================
الرد على القصيده من طلال الرشيد ( الملتاع)
========================



يابن الحلال ان طعتني خل الاسراف
............................................ واترك جمال الغيد لاهل البصيره

الزين مو بس الملامح والاوصاف
........................................... الزين روح وعفه وطيب سيره

مانيب من يهوى ثريا وانصــــــــاف
........................................... انا هواي وبس بنت الجزيره

بنت الخليج اللي تماري بالاعراف
........................................... وحنا نماري باسمها كل ديره

مالي غرام بقول وخــــا وبالزاف
.......................................... اذبحني عند الطرحه المستديره

احب قولت ياهلا وعل ماخــــلاف
........................................ من بنت ثوبي بنت الارض النضيره

اللي تحلاها الظبي حلو الاطراف
....................................... جمال في عفه ورقه وغيــــــــــــره

واللي بها سحر مهو سحر عراف
....................................... ياعل عين ماتراها ضريـــــــــره

عطف وحنان وذوق في لين الاعطاف
...................................... والي كشفت لثامها شفت اميره

صعبه على اللي بالردى شاف ماعاف
....................................... وحلوه على اللي سنه الله ضميره

شمس الى من اشرقت والدجا طاف
....................................... غابت نجومك غصب لو هي كثيره

السيف مايزهى سوى كف سياف
....................................... والخيل دون حصانها مستخيره

بس انت دور لك على قد لحاف
...................................... وان طعتني دور بدلنا عشيــــره