((عهدي بها قدام تلبس عبايه))
--------------------------------------------------------------------------------
عهدي بها قدام تلبس عبايه ..!! وانا بعد قبل ألبس شماغ وعقال ..!!
طفلين نتهجى حروف الكتابه ..!! الله يامجمل سواليف الاطفال ..!!
كانت لنا في كل شارع حكايه ..!! وكنا نقول علوم ((ماهيب تنقال)) ..!!
وكنت اتقاسم مامعاها معايه ..!! من ( عسكريم التوت ) للعلك ابو ريال ..!!
وكانت بعكسي شاطره بالقرايه ..!! تقرا جزء عم وطه والأنفال ..!!
وأنا ـ لك الله ـ من مواري غبايه ..!! مدري ابو نقطه هو الذال او الدال..!!
وكانت لابويه تشتكي من شقايه ..!! وتعلمه كيف (( اربط الباب بحبال )) ..!!
ياما على ظهري كسر من عصايه ..!! يقول لي : خلك وانا ابوك رجال..!!
وامي تقول ادع لولدك الهدايه ..!! خوفي يصيبه كثرة الضرب بهبال ..!!
لاشفتها مع اول الدرب جايه ..!! مدري انا اللي ملت والا الوطا مال..!!
أحس قلبي يرتجف في حشايه ..!! ماكنه الا الضيف لاهز فنجال ..!!
ياما عن ( الحصني ) تخبت ورايه ..!! لاخوفها فيه ثم شافت ظلال..!!
تقول خلك يا (,,,,,,,,,,,) معايه ..!! واستانس ألعب عندها دور الابطال ..!!
وأغاااااااار حتى من عيو ن أصدقايه ..!! لاطالعوها قلت: ( تكفون ياعيال) ..!!
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــ
بصراحه قصيده منتشره في رسائل الجوال واعجبتني فا حبيت اكتبها لكم ارجوا
ان تنال اعجابكم
تحيـــــــــــاتي
« آخـــر الـــمـــشـــاركــــات »
31-Aug-2006, 04:29 AM
عهدي بها قدام تلبس عبايه
العرض العادي
