ماهي عدالة
بس انت قلي وش تبي شي ثاني=وش الذي تبغاه يا زين بوضوح
يكفيني اللي منك يا زين جاني =ورغم الذي سويت يا زين مسموح
هدمتني بلحظات يمكن ثواني =وأنا الذي من الحب باني لك صروح
أهيم حسره يوم طيفك غشاني =مدري ندامه او هوى عشق مملوح
حاولت هجرك بس قلبي نهاني=وفكرت وقلت الهجر ما منه مصلوح
حاولت وصلك بس هجرك طغاني =ويا كثر ما قلت الخطأ منك مدموح
خلاص أنا قررت أطلق عناني =وأبدل صراخي معك بالشعر بوح
واليوم أنا عاصيك دام تعصاني =خل الفراق يفل مابين من جموح
رحب وانسحب بالود وأنا بمكاني =ودام أنت رايح لاتحرك بي جروح
لا تصير في عشق المواليف جاني =ماهي عداله تطعن القلب وتروح
عش في زمانك وأنا أعيش بزماني =خل الغلا بالقلب والسر مفضوح
عبدالله بن صبيح الشراري
06-Aug-2006, 06:55 PM
ماهي عدالة !!
العرض الشجري