بسم الله الرحمن الرحيم
جريدة الرياض:
كتب - طلال المسيمير:
مشعل بن شباب الشيباني
يعتبر الشاعر.. مشعل بن شباب الشيباني العتيبي من الشعراء البارزين الذين لهم باع طويل في الشعر.. طرق جميع اغراض الشعر.. وبرع في الشعر الاجتماعي الوعظي وشعر الحكمة.. والشاعر مشعل من الشعراء الذين يعتنون بقصائدهم أيما اعتناء فلديه حاسة جميلة في اختيار الكلمات وحسن توظيفها في سياق القصيدة.. بالاضافة الى اختيار القوافي الرنانة والصعبة والتمكن منها.. ولشاعرنا.. قصائد رائعة كثيرة نختار منها:
هذه الابيات من قصيدة بعنوان (السر) حيث يقول:
الصدر صندوق للاسرار مقفول=يودع به الانسان سره ويخفيه
لا تبدي اسرارك على كل مبدول=سرك بعد بكره على الناس يبديه
وإلا بعد.. يبديه.. من داير.. الحول=أهم شيء السر.. مفشيه مفشيه
سكر.. ابوابك من تواليه بقفول=وان.. قال عطني سر.. لا عاد تعطيه
ومن شعر الحكمة هذه الابيات الجميلة لشاعرنا يقول فيها:
لو.. كل من غاص البحر.. صار سباح=ماحدٍ.. غرق ف .. البحر.. جزره ومده
و.. لو.. كل بابٍ يفتحه.. كل مفتاح=وش.. له.. يسوى للمفاتيح عده
والرزق محتاجٍ لمسرى ومسراح=محدٍ.. جلب.. رزقه.. فراش ومخده
والطيب تجذب ريحته كل ما فاح=ولا كل من قام.. بلزومٍ.. يسده
طبيعة الدنيا.. بها.. ضيق وافراح=محدٍ تجي دنياه.. حسب الموده
ما فيه مخلوقٍ بدنياه مرتاح=لو ضحكت.. له يوم يومٍ تضده
ومن القصائد الجميلة قصيدة «الهم» وفيها تمكن واضح من الشاعر.. بالمعنى رغم صعوبة القافية نختار منها هذه الابيات:
ياهم عن صدر المغربل هوّد=الى متى تبقى كذا.. متجوّد
عشرين عام ومسكنك في جوفي=اظنها.. لك كافية يا معوّد
متى على الله ترتحل وتغادر=ترى جلوسك ف .. الحنايا زوّد
ياليت.. لهموم الاوادم شاري=ان كان ببلاشٍ عليك اشوّد
افرح ليامن غبت عني ساعه=لاشك ما تبطي عليّ تعوّد
اخفيك عن صدقاني وعدواني=لكن.. ليلك في ظلامه سوّد
ولشعر الشاعر الشيباني عذوبة وهذا ما نلحظه في هذه الابيات من قصيدة له بعنوان «الشعر»:
انقاك يا شعري عن النقص نقوى=لو.. البنادم عنده النقص.. حاصل
نخشى نخيّب من علينا تهقوى=اللي معه تجري حروف التواصل
وان قلت الحيلات حيل الله اقوى=دونه صعيب لكل مطلوب ناصل
بعض الشعر يسقى من المسك سقوى=وإلا بعضه.. يهد.. حيل المفاصل
والبعض ما يبعث لقاريه تقوى=ينعد.. ف .. القاموس تحصيل حاصل
ومن قصيدة قالها في الدفاع عن المصطفى صلى الله عليه وسلم بعد الحملة الدنماركية الشعواء على شخص الرسول عليه افضل الصلاة واتم التسليم.. حيث يقول:
بأرواحنا.. نفداك يا عز مخلوق=يا خير.. رجل وطيت اقدامه الارض
دونه.. نسوق ارواحنا.. كلها.. سوق=نهلك.. ويبقى المصطفى سالم العرض
يبقى جناب.. المصطفى مرتفع فوق=دفاعنا.. عنه نعده من الفرض
ما باقي إلا.. زمرة الخبث والبوق=تقرض بعرضه نعنبو حيهم قرض
دونه نموت وكل مطرود.. ملحوق=حبه ملكنا.. ملك بالطول والعرض
بقلوبنا.. حبه.. مخيم وموثوق=ارسى من جبال السروات والعرض
« آخـــر الـــمـــشـــاركــــات »
20-Jul-2006, 04:50 PM
صوره وقصائد للشاعر مشعل بن شباب الشيباني
العرض العادي
