((غيرها للذهايب))خوية سعود

[سعود حاكم]

السلام عليكم ورحمة ألله وبركاته.


أخواني شعار عتيبة مشرفين وألاعضاء الكرام..


يشرفني المشاركه معاكم في هذا الصرح الشامخ باآهله وناسه...


في مصافحه أولى وأرجو أن تنال على رضى الجميع..


أخوكم..سعود حاكم سلمان الجهني....

منين ابتدي لاصار كلـي معانـاه=ومنين انتهي لاصار كلي مصايـب
حزيـن مثلـي ماتهنـا بدنـيـاه=وماشفت من دنياي كود.. العجايب
ولو الدموع تجيب حـي ٍ فقدنـاه=لبكي من اجل تجيب عز الحبايـب
عقب الغرام اللي من العـام ذقنـاه=اليوم عن مدات الابصار.. غايـب
للي عطانا اسباب صـده وفرقـاه=ولاجاتني.. من يم خلـي كتايـب
القلب.. وعيوني. والحساس. يفداه=والله وهبهن لجل خلـي وهايـب
يادار عبله ويـن خـل ٍ عشقنـاه=من دونها.. مسمع كلام.. القرايب
عيني على اللي تعشقـه ماتعـداه=والراس ماتهمـه جميـع الطلايـب
عزي لمن مثلي من الحـب عـزاه=ماحصل من الحب كود النكايـب
فـارق حبيبـه وابتدتبـه مآسـاه=وصارن ضلوعه من فراقه عطايـب
وياطير لوتدري عن اللـي بكينـاه=ابحث. عنه بالصلب. واللأ الترايب
اقل شي اتكـد احـدود مرسـاه=ومن بيتها حذرا تردك.. صعايب
بلـغ سلامـي والتحيـه لعينـاه=واذكر لها ياطيـر كـل العتايـب
وقله تـرى مافيـه غيـره بغينـاه=ولاشفتها يبقى ترى الحال طايـب
ومن هاتفي رقمه ترى مامسحنـاه=رغم الغياب ومغيـرات النوايـب
وقله ترى منعاقبـه فـي سوايـاه=ندمح على شانـه جميـع المعايـب
وحدد لنا شوفـه وجيـه لمبنـاه=ومن شانها نحث السفر بالركايـب
من شان اجدد داخل القلب ذكراه=قلب ٍعلى فرقـا المحبيـن ذايـب
وبالرغم مانبغـى بديلـن سوايـاه=يبقى حبيبي وغيرهـا.. للذهايـب
حبه مثل شتـل ٍ بقلبـي غرسنـاه=ومزنه موده من غلاهـا سحايـب
ثابـت بقلبـي ماتغيـرا بمـبـداه=مثل الجبل صعبـه تهـزه هبايـب
درب الخطر من شان عينه مشينـاه=وياما دفعنا لجل حبـه.. ضرايـب
ليته يرد الصـوت لامـن زهمنـاه=وفي حبها بالذات مانيـب خايـب

أحترامه وتقديره للجميع

أخوكم سعود الجهني