يا دق مثناته ويا زين عوده

[النايع]

يا حلو منطوقه ويا خف دمه = ويا دق مثناته ويا زين عوده
أنشد عن امه كان تبغى تضمه = خلي من الناس الشريفة جدوده
متسلسلٍ من راس خاله وعمه = بيت الأصل منساب طنبه عموده
خلي معه ميز ومروفة وذمة = من صغرته ما احدٍ درى عن سدوده
خلي قصير البيت ما راح يمة = ولا طالعن بيض العذارى خدوده
ما قص من راسه ولا قص كمّه = ولاحط شيال النهود بنهوده
لا شيل له نمّة ولا شال نمّة = تقصر يدينٍ طايلة عن حدوده
عزي لقلبٍ سمّه الحب سمه = سم السجين اللي تجدد قيوده
على الذي يجلي عن القلب همه = واسعد دارٍ ريف قلبي يروده
الجرح لو يعرض على كل الأمة = ما احدٍ عرف نقص المولع وزوده
نقصي وزودي حين اشوفه و اشمه = اشم ريحانه واقطّف وروده
كل البنات معلقات الازمّة = ما هيضنّي باقيٍ في عهوده
اقطع على عهده بحورٍ مطمّة = والعين لذات الكرى ما تعوده
النوم تخطيه العيون وتخمه = كل النجوم السارية من شهوده
قلبي كما حذفة مدقٍ بجمّه = من كثر ما يصقع تقادح زنوده
أثر المولع ماش عقلٍ يضمّه = روحه على بير الخطايا تزوده
لعل ربي كل شملٍ يلمه = تلفي من الدار البعيده وفوده
الحول مقرون الحجاجين تمه = والخط لو يقراه يصعب ردوده

خلف بن هذال

[عمرالروقي]

النابع
تشكر على النقل الاكثر من رائع
لقصيده من قصائد شاعر الوطن
خلف بن هذال
-------------------------------
لك تحياتي

[ابـن نـعـيـس]

لاهنت ويعطيك العافيه


وصح لسانك ولسان شاعر الوطن



وفي انتظار جديدك


تحياااااااااااااااااااااااااااااااااااااتي

التوقيع

[النايع]

عمر الروقي

ابن نعيس

الله يعطيكم العافية

[برقاوي2006]

لاهنت على النقل الرائع اخوووي

لشاعر الكبير خلف بن هذال

[الأشهب1]

اللة يعطيك العافية يالنابع على الأختيار اللي اكثر من رائع وياليت بعض اهل الشعر الركيك يستفيدون والإ يتركون الشعر في سبيله