ول يازمـان بـدل المسـك بتـراب @ وول يازمـان بـدل شيـوخ برخـوم

[ابـن نـعـيـس]

للضيق وقت وللحـزن دايـم اسبـاب=وللصـدق دافـع والوفـا صـار معـدوم
ماعـاش عمـره بهالزمـن غيـر كـذّاب=والصـادق الـوافـي محـقّـر ومظـلـوم
اسرق وانهب ينحسب لك كـذا حسـاب=وعيش بتواضع تعتبر شخـص محـروم
نافق وجامـل ولا تَكَـدر مـن عتـاب=واكل حلال الغيـر محـدن لـك يلـوم
هذا زمـان بـدل احبـاب باغـراب=هذا زمـان بـدل الضحـك بهمـوم
ماعاد نوثـق باحـد حتـى الاقـراب=والعيب هو العيـب مايستـره هـدوم
لاصار لسان الشخص يلسع تقل داب=ومن الكلام الـردى يقتلـك مسمـوم
ناس تبسم لـك وبالظهـر انيـاب=وناس تمدح بـك وبالظهـر مشتـوم
هـذا زمـان الرجـل صـار ينعـاب=واللي تشبـه بالنسـا يطلـب اليـوم
خطف ونهـب وكـذب واليـوم الارهـاب=غطـت سمانـا امـور كنهـا غيـوم
حتى النسا صارت تحرر من حجاب=وعند القياده صار المرأه تحـوم
ورسم الرسول استحلوهـا الكـلاب=كفار لا مله ولا ديـن ..معلـوم
امور صارت في زمن تعجب اعجـاب=يالله عسـاك تزيـن الحـال هالـيـوم
ول يازمـان بـدل المسـك بتـراب=وول يازمـان بـدل شيـوخ برخـوم

التوقيع

[سراب الدمع]

ابن نعيس كم انت رائع كما عهدناك

صح السانك ولسان شاعرها

وشكرا على النقل ..


تحياتي لك يابن العم

[ابـن نـعـيـس]

اخو مدين


صح بدنك


والروعه تكمن في مرووورك وتواجدك يابن العم



تحياااااااااااااااااااااااتي