قصيـــــــــدة الــــدرم

[مطر]

السلام عليكم ورحمة الله وبركاته

حبيت انزل لكم اليوم قصيده تعجبني لدرم

يارجل ياللي كثيرات هقاويها=قام يتغايا لها دراس وجدادي
اليوم طاوعتها والا امس عاصيها=ان ناحرت لليمين والا لبغدادي
يابوسعود المعزه طامعٍ فيها=على المهونه صبرت وطال مقعادي
مرخٍ حبال الرجا مانيب طاويها=والرزق من واحدٍ ماهوب حسادي
دارٍ جفتني لعل الغيث يسقيها=والمزن من فوقها عساه ينقادي
حتى المسايل تحول من علاويها=ثلاثة ايام مااحدن يقطع الوادي
والخد نبت الزهر والعشب كاسيها=اليا تقافا عليها كل رعادي
على جزاها الردي مانيب جازيها=من شان قد ذقت فيها الملح والزادي
والجادل اللي تبي فرقاي مابيها=لوكانها في حبالي بنت الاجوادي
اللي معه عقل ياخذها ويعطيها=والاقليل المعرفه علة اكبادي

الشاعر/محمد بن محسن (الدرم)