///// صولجان بلقيس \\\\\ - الهيـــــــــــــلا *** منتدى قبيلة عتيبة

نايف العبيد العتيبي · 18-May-2006, 10:31 PM

السلام عليكم والرحمة

/

بعثت لها هدهد الاشواق يخبرها , عن ما اصابني من تلك الرماح المتعثكلة

ولم تكترث لحالي , ولا لدموعي !!!

تلك الدموع المتساقطة التي اثارت مردة الجن وعفاريتها , حتى أن عزيفها

آهال الجبال الصم واخافها

لم استطع اقتحام حصونها وقلاعها

فصروحها مكتّضة بالمردة والشياطين

/

\

/

أنا ,,, وبلقيس كنا هناك ,,,

.

عيطموسٍ في طرف رمشها حربٍ ضروس=من عثر في غبّها راح مع جساسها
ابوليلى طب من شانها كون البسوس=وماالوم الزير لوهو سكر من كاسها
اوجس بقلبي لهيبٍ كما نار المجوس=في معابد كسرى كهّانها حراسها
مير نار الحب ماله مراسيم وطقوس=لزفرت ثم إشهقت تحرقك بأنفاسها
من زماني قد تعلّمت الحكم والدروس=والدروب المجرهدّة عرفت اقياسها
مير ماحسبت لرموش ذيك العيطموس=ويل حالي موجها مارحم غطاسها
هارون اللي قد توفّى غريبٍ وسط طوس=مادرى إن المنايا تشد اقواسها
بس أنا عزمي قوي لوحظي كشرّ عبوس=وآبخوض المعركة لوتزايد باسها
احلا من الشهد منطوقها والعرق سوس=مزنةٍ قد هالت بروقها عساّسها
كل عذابي من رموشٍ طرفها حد موس=ويش حيلة ابن بردٍ وابو نواّسها
من عيونه طاحت اعلام وبيارق وروس=والسرايا بعدها اعلنت افلاسها
صولجان ( زيوس ) في رمشها وشعلة (ردوس )=كن شمس الكون ذابت بوسط الماسها
والجبين اليا ظهر ياعرب شمس الشموس=جوهرٍ في جيد ( بلقيس ) وتاج براسها
مايفك طلسامها الآبالس والقسوس=حتى كهاّن الجبل لورجت خناّسها
فارعه متفرعنه فرعها ثار الرموس=والتمست برمسةٍ يوم نس نسناسها
عسعس الليل بثليلٍ كسا زند العروس=تسربلة بردة الليل ظمن الباسها
حبهّا سهمٍ بوسط الحنايا ومغروس=كم سهرنا لجلها والعرب بنعاسها
بت ضامي مارتويت مثل من يرجي الرسوس=صدّر العطشان والنفس ملّت ناسها
اشغلاً في حبهّا راعي اليمين الغموس=مير أنا مالدّ بنجوسها واخساسها
والله يكافينا شر العواذل والنجوس=زمرةٍ بالكيد ربي يبيّد ساسها
وادري إن عزمي قوي لوحظي كشرّ عبوس=وآبخوض المعركة لوتزايد باسها

ولا يزال للحديث بقية :::

تحيتي وتقديري لكم ايه الأنقياء

اضغط لحفظ القصيدة

دمتم بود

قاطع طريق · 18-May-2006, 11:11 PM

[TABLE="width:70%;"][CELL="filter:;"]

قصيدة رائعة يا نايف
صح لسانك

[/CELL][/TABLE]

أبو مرحبا · 19-May-2006, 01:41 AM

الاخ نايف العتيبي

لاهنت على ذا القصيدة

صح السانك

التوقيع

إن قلَّـت الوزنـه وربعـي مشافيـح ** أخلـي الوزنـه لربعـي واشـومـي

الفراهيدي · 19-May-2006, 04:13 AM

صح لسانك وسلم بنانك

على القصيدة الرائعة والجزلة

تحااااااااااااااااااااااااتي

التوقيع

AL-frahedi@hotmail.com

خلف بن مرزوق · 19-May-2006, 05:30 AM

اقتباس:

المشاركة الأصلية كتبت بواسطة العتيبي نايف

عيطموسٍ في طرف رمشها حربٍ ضروس=من عثر في غبّها راح مع جساسها
ابوليلى طب من شانها كون البسوس=وماالوم الزير لوهو سكر من كاسها
اوجس بقلبي لهيبٍ كما نار المجوس=في معابد كسرى كهّانها حراسها
مير نار الحب ماله مراسيم وطقوس=لزفرت ثم إشهقت تحرقك بأنفاسها
من زماني قد تعلّمت الحكم والدروس=والدروب المجرهدّة عرفت اقياسها
مير ماحسبت لرموش ذيك العيطموس=ويل حالي موجها مارحم غطاسها
هارون اللي قد توفّى غريبٍ وسط طوس=مادرى إن المنايا تشد اقواسها
بس أنا عزمي قوي لوحظي كشرّ عبوس=وآبخوض المعركة لوتزايد باسها
احلا من الشهد منطوقها والعرق سوس=مزنةٍ قد هالت بروقها عساّسها
كل عذابي من رموشٍ طرفها حد موس=ويش حيلة ابن بردٍ وابو نواّسها
من عيونه طاحت اعلام وبيارق وروس=والسرايا بعدها اعلنت افلاسها
صولجان ( زيوس ) في رمشها وشعلة (ردوس )=كن شمس الكون ذابت بوسط الماسها
والجبين اليا ظهر ياعرب شمس الشموس=جوهرٍ في جيد ( بلقيس ) وتاج براسها
مايفك طلسامها الآبالس والقسوس=حتى كهاّن الجبل لورجت خناّسها
فارعه متفرعنه فرعها ثار الرموس=والتمست برمسةٍ يوم نس نسناسها
عسعس الليل بثليلٍ كسا زند العروس=تسربلة بردة الليل ظمن الباسها
حبهّا سهمٍ بوسط الحنايا ومغروس=كم سهرنا لجلها والعرب بنعاسها
بت ضامي مارتويت مثل من يرجي الرسوس=صدّر العطشان والنفس ملّت ناسها
اشغلاً في حبهّا راعي اليمين الغموس=مير أنا مالدّ بنجوسها واخساسها
والله يكافينا شر العواذل والنجوس=زمرةٍ بالكيد ربي يبيّد ساسها
وادري إن عزمي قوي لوحظي كشرّ عبوس=وآبخوض المعركة لوتزايد باسها