فاض ثمْ فاض ثمْ فاض وملاه

[نبض المشاعر]

السلام عليكم ورحمة الله وبركاتة......



هذي قصيدة للشاعر محمد السميري عجبتني وأن شالله تنال على رضائكم.....


آه واجرح قلبي واعناه
ثم بعَد يا وجودي بالوجود
كل ما بان نجم ٍ في سماه
قام هَمِّي وغربالي يزود
من يلوم الغريب اللي كواه
مِيْسم البُعْد والأيام سُـود
عَلّ غـُرّ السحاب يصبّ ماه
فوق ذيك المسايل والنفود
دار من تلّ قلبي في هواه
تلةٍ قطـّعَت كل القيود
صاحبٍ لا هرَج حلوٍ نباه
ما بعَد شفت مثله بالوجود
يوم اوصّف كلامه من حَلاه
كل ما قام يَبْدي لي سدود
مثل نقـْع المطر فوق الصُفاه
من سحَابٍ ترزم بالرعود
فاض ثمْ فاض ثمْ فاض وملاه
وبْل مزن ٍ من المنشا يقود
أشهد انه كلام ٍ له طراه
ما بعَد قال (يَسّ) وقلت ( قوود )
وإنْ تذكـّرت بُعْده من غلاه
طال سِهْري وصحّيت الرقود
صاحبي والزمن يدْرج رَحَاه
علّ ساعة فراقك ما تعُود
المقادير ما منها نجاه
والصوادر بعَد بكره ورود
وكلّ شيٍّ وحَدّه منتهاه
صحّ غير الأمل ما له حدود
والله اني خبيرٍ بالحياه
والدلايل على قولي شهود
أعرف السيف لوْ هو في خباه
واكتشف كل مختالٍ شرود
الله اللي عطا واجْزل عطاه
ما عَطوني ضعيفين الزنود
الرفيق النزيه اكسب رضاه
وأكسر العُود في عين الحسود



هنا كانـــــ مروريــــــــ

معــــــ كلـــ الودــــ

التوقيع

دنيــــا ومــن يـــــدري كلــــ شــــئ يصـــير فيهــــا