هجوس المستحي "إهداء لعتيبه والزميل الفالح "

[المسرّي]

السلام عليكم

بويتات تعبّر عن نفسها

ولهي بشي في حق مطاليق شرواكم

لكن هجوس المستحي منكم

واخص ابوفالح الله يسلّمه

يومين والهاجس تقول انّه لاكل ولا شرَب=والهاجس ان ماذاق طعم البيت كنّه ما يذوق
أصرّفه وأحرّفه واطرح جمَع واقسم ضرَب=يالين ياصل نايد الهقوات , والهقوات فوق
انحت صفا وابدع وفا واصرف ذهب والعب طرب=لأجل الأخوّه والمروّه والصداقه والحقوق
وأجيب قافٍ ما بني جدْره على الساس الخرَب=مُوثّقه مبنى ثقه , ويطيب للفكر ويروق
اقرّره وامرّره للغانمين من العرب=" عتيبه الهيلا " وكل بدودها " برقا وروق "
واخص زيزوم المواقف في سلم والا حرَب= "علي العضياني " زبون المدح سبّاق السبوق
واصعب صعيبات الصعب واكرب كريبات الكرَب=مكافأ الخل الخليل الصادق الشهم الصدوق
ولوانّي ادري ان خيرمن وقفه ما تقواها..الهرب=وحقوق روس القوم ماهي فاللحون وفالطروق
لكن على الله ياهجوس المستحي وأرب أرب=توفي جزء مما عليّه للنشامى من حقوق

وسلامتكم