قصيده مرثيه للشاعر / عبدالله بن سعيد الجعيد
يرثي فيها خاله بعد وفاته شيخ خامس المظافره
الشيخ / مصلح بن صويلح الجعيد- رحمه الله -
يقول فيها :
يالله ياللي تسجد الخلـق لرضــــــاه =يارب مخلوق عليك إعتمــــــــاده
إجبر عزانــا فـي فقـــيد فقدنـــــــاه =رجل بذل عمره لخدمة بــــــــلاده
لين المنية وافته بأمـر مـــــــــــولاه = وسبحان ممضي حكمته في عباده
يالله عسى في جنة الخلد مـــــــاواه = في رحمـه المـولى ولله معــــــــاده
ياهاجسي بالشعر سجل معانــــــــاه =واضرب على الكايد بحزم وجلاده
الصدرضايق وأعظم الحزن يمـلاه =واستبـــدل أيــام الفـــرح بالنكــــاده
عزاه ياقلـــب همومــه تحــــــــــداه =مليــــون هـم وقابـــــل للزيــــــــاده
علـى فقيـد راح ماعـــاد شفنـــــــاه = بعد القـدر لمواجـه المـوت قــــــاده
نهارعـن دنيــاه قفـــت مطايــــــــاه =والموت نـزل عـن ذلولـه شـــــداده
ضاقت بـي الدنيـا نهــار المعـــازاه = وخيم علي الحزن عقـب السعــــاده
والآدمـي مايـــدرك اللـي تمنــــــــاه=مهمــا تمنــى مايحـــقق مــــــــراده
مرحــوم ياشيــخ حميـــده سجايـــاه=بالطيـــــب والحكمـــه وقــو الإراده
حامل وسام الطيب بإسمـه ومعنــاه = وعنده لتذليــل الصعــايب شهــــاده
تلقــا البشاشـــه دايــم في محيــــــاه = وإصـلاح ذات البيـن شربـــه وزاده
بالصدق جامع بين دينــه ودنيـــــاه =والصــبر غايـه مطلبـه واستنــــــاده
شيــخ ولـد شيـــخ تقيـد بممشـــــــاه = بعيــد عـن فعـل الـردا والنقـــــــــاده
الطايلـه فـي مـــدة الجــــود يمنــــاه=وقـروم ربعـه تقتبـس مـن زنـــــــاده
ربع على الحشمه مع الدرب تبــراه=كـل عـلى النخــوه سريـــع جـــــواده
ياطيب سـاس البيت ياطيب مبنــــاه = لاهـــان مـن ثبــت كيانـــه وأشـــــاده
وحنا رجانـا فالرجــال المسمـــــــاه =تلزم زمـــام السيطـــره والقيــــــــاده
وأخـص أبوفـواز والعلــم ينصـــــاه =ماعــاد باقـــي نوم فــوق الوســـــاده
يكسب رضا ربعه بعدل ومســـاواه=ويقودهـم والبيــت يرفـــع عمــــــــاده
وأنخاك يامحمد وأوصيك بوصـــاه = ياسيـف ياللـي مطلعـه مـن غمـــــاده
طيب الولد من طيب ساسه ومجناه=وترى طراة الرجـل عقــل وركــــاده
إبن الحـرار إليـا تربـى بمربــــــاه=صيده من الجزلات ســاعة هـــــداده
وصلاة ربــي عـد نو نثـــر مـــــاه = علــى نبـــي شرفــــه بالسيــــــــــــاده
« آخـــر الـــمـــشـــاركــــات »
14-Apr-2006, 12:06 AM
قصيدة رثاء في الشيخ:مصلح بن صويلح الجعيد_رحمه الله_
العرض العادي
