الوضح وسط القلب

[محمدالروقـي]

البــــل عطـــايا الله طـــوال العراقيب
ياسعـــد منهــو ســــاق فيهــــا حلاله

طــوال الــرقـــاب مجنبـــات العذاريب
رثــم الخشــــوم مونســــت كل داله

فهـق الضهــور معــانقـــات المراقيب
مثل البـــرد لا طــاح ثــم كــض جاله

الوضــح وســط القلـب دقت مناسيب
وحبــل المحبـــه زاد سمكــــه وناله

الهـــا معـــزه عنــد كســابـــت الطيب
ولا الـــــردي يبطـــي ولـــو زاد ماله

تكيــد من قلــــت فلـــوســــه بلا ريب
وراع البخــــل خــــرع ويكنـــــز رياله

هــاذي عطـــايا الله عجـاب التعاجيب
مذكـــورت ٍ فا المصحـــف وكــل قاله

الها شكـــل وطبـــاع يوم اقنب الذيب
ولهـــا مـــــع العــريف عـــرف ودلاله

ويازيــن شــوفات البكـــــار المجاذيب
في وسط برن كاسي العشب حاله

تطرب هواالعشاق تشفى المحاديب
والهـــم يجــلا ويشــرح الـــــرب باله

ماقلتهـــا من غيــر ســـوق التجاريب
فـي بل زايـد عشـت وانشــــد عياله

ابــوي ســـاق العمـــر ريف الاقاريب
نارن علــى الحســـاد وافــن خصاله

يالله تكتــب لــــه عــن النــــار تجنيب
وفــي جنت الفــردوس يـــــارب فاله

الشاعر/ محمد زايدالحزيمي

[رقاد]

البل الناس تموت عند عراقيبها منول


وتستاهل عطاياالله القصيده