تايتنك السلام 98 ـ او ـ جريمة العصر ؟ - الهيـــــــــــــلا *** منتدى قبيلة عتيبة

mohmmedot · 12-May-2006, 11:09 PM

البحـر والناس وأقـوال الجـــرايد=وشاشـة التلفـاز تنشـر مـن سفــاجه
والجزيرة تنشـــره عـــبر السلايد=علم (عاجل) ثابت ولا فيه احتجاجه
مواصلين البث بعلومٍ وكــايد=كارثه وامرٍ حصل يصعب عــلاجه
والبحــر غـدار والقبـطان رايــد=والغــرور أعمـاه وأخلف في مزاجه
(1400) الركاب بالحسبه وزايد=طاقــــمٍ مــلاح فالصعـبــه يــــواجه
من (ضبا) وانطلق حسب العوايد=وكل واحــد مبتهـج يضحك حجاجه
وصاح صياحٍ شاف بالعين الوقايد=والسفينه صار في ممشاهـا عــواجه
والخطر عم البشر والدخان زايد=واللهـيــــب بمـــوترٍ داخــل كراجـه
ونادوا القبطان حال وقال فايد=يا ( قماعه) أيه ما (يقــراش ) حاجه
(ماتخافوشي) من تماس الاوف سايد=يمكن بتاع البوفـيه مـحرء له دجاجه
إطمأنوا ناموا أحلموا ثم صد عايد=وواصل الرحــله بفكـــره وانتهـاجه
والعماله تشتغل باسلوب بايد=تطفي النار بالماء ما تضمن خراجه
لين ميل جنبها غصب وتحايد=وقالــوا الـــركاب وش نقــدر نواجه
وألتفت قبطانها للطاقم فرايد=وامتطــا ظهـر البحر يعلــن هجاجه
والبشر في صدر البحر مثل القلايد=او هو كما حــبٍ تطاير من عجاجه
ناس تصرخ شافت الدعوى شدايد=وعــم فيها الذعـــر من زود اللجاجه
وناس ترمي نفسها والموت كايد=وناس عقب الحلا تروى من هماجه
كم طفل وكم عجوز وكم ولايد=وكـم شاف المــوت بعـيـــونه ولاجه
كم اسره راحت افراد وبدايد=كم.. تفرق.. كم.. جرح؟وكم علاجه
كل طاقم هالسفينه لو هم بلايد=مجرمين ويشهد الله...للنور انبلاجه
والدواير دايره والخلق عايد=يوم بيبان العداله تنفتح له بانفراجه